ക്രിസ്തുവർഷം ഒമ്പതാം നൂറ്റാണ്ടിൻ്റെ മധ്യഘട്ടത്തിൽ തന്നെ കൊണ്ടോട്ടി ഒരു സുപ്രധാന മുസ്ലിം കേന്ദ്രമായിരുന്നുവെന്ന് പ്രമുഖ പണ്ഡിതനായ നജീബാബാദി തന്റെ (മാപ്പിള ഖൗം) എന്ന കൃതിയിൽ പറയുന്നുണ്ട് (നജീബാബാദി, മാപ്പിള ഖൗം, പു: 38, സി.എൻ. അഹ്മദ് മൗലവി, കെ.കെ. മുഹമ്മദ് അബ്ദുൽ കരീം, മഹത്തായ മാപ്പിള സാഹിത്യപാരമ്പര്യം, കോഴിക്കോട്, 1978, ഉദ്ധരിച്ചത്) ക്രി. 14-ാം ശതകത്തിൽ ലോകപര്യടനം നടത്തിയിരുന്ന ശൈഖ് ഇബ്നു ബത്തൂത്ത കോഴിക്കോട്ടു വച്ച് ഖാസി ഫഖ്റുദ്ദീൻ ഉസ്മാൻ എന്നയാളെ പരിചയപ്പെട്ട വിവരം അദ്ദേഹത്തിന്റെ യാത്രാ വിവരണത്തിൽ കാണാം. ഖാസി ഫഖ്റുദ്ദീൻ ഉസ്മാൻ ചാലിയം, തിരൂരങ്ങാടി, കൊണ്ടോട്ടി മുതലായ പ്രദേശങ്ങളിൽ ഇസ്ലാം മത പ്രബോധനം നടത്തിയിരുന്നു. (നജീബാബാദി, ഇസ്ലാം മലബാർ മേം, പു.35) നജീബാബാദിയുടെ അഭിപ്രായത്തെ ശരിവയ്ക്കുന്നതാണ് കേസരി ബാലകൃഷ്ണ പിള്ളയുടെ നിഗമനം. (കേസരി ബാലകൃഷ്ണപിള്ള, ചരിത്രത്തിന്റെ അടിവേരുകൾ എന്ന കൃതി കാണുക). കൊണ്ടോട്ടി മലബാറിലെ പ്രധാന മുസ്ലിം അധിവാസ കേന്ദ്രമായി മാറിയതോടെയാണ് കൊണ്ടോട്ടിയിൽ പഴയങ്ങാടി പള്ളി സ്ഥാപിക്കപ്പെടുന്നത്. പള്ളി നിർമിക്കുന്നതിനു മുമ്പ് കൊളത്തൂർ എന്ന പേരിലാണ് ഇന്നത്തെ കൊണ്ടോട്ടിയും പരിസര പ്രദേശങ്ങളും അറിയപ്പെട്ടിരുന്നത്. മൈസൂർ സുൽത്താന്മാരുടെയും ഈസ്റ്റ് ഇന്ത്യാ കമ്പനിയുടെയും റവന്യു രേഖകളിൽ (കൊളത്തൂർ അംശം കൊണ്ടോട്ടി നഗരം) എന്നു കാണാം. പഴയങ്ങാടി പള്ളിയുടെ നിർമാണവുമായി ബന്ധപ്പെട്ടാണ് കൊണ്ടോട്ടി എന്ന സ്ഥലനാമം രൂപപ്പെട്ടത്. തലയൂർ മൂസ്സത് മുസ്ലിംകൾക്ക് പള്ളി നിർമിക്കാൻ ദാനം നൽകിയ ഭൂമി ചേപ്പിലക്കുന്നിന്റെ താഴ്വരയിൽ തെക്ക് ഭാഗം വയൽവരെയും, കിഴക്ക് പുകലക്കോട് വരേയുമുള്ള പ്രദേശമായിരുന്നു. അന്നത് നിബിഡവന പ്രദേശമായിരുന്നു. കാട് മൂടിക്കിടന്നിരുന്ന ഈ പ്രദേശം ജനോപകാരപ്രദമായ രൂപത്തിൽ മാറ്റിയെടുക്കുവാൻ അന്നത്തെ നാട്ടുമുഖ്യന്മാരായ കീടക്കാട്ട് കുഞ്ഞറമുട്ടി, മണക്കടവൻ അഹ്മദ് കുട്ടി, കൂനത്ത് മമ്മദ് എന്നിവർ ഒരുവിദ്യ പ്രയോഗിക്കുകയുണ്ടായി. ജോലിയില്ലാതെ കഷ്ടപ്പെട്ടിരുന്ന ജനങ്ങളെ ആകർഷിക്കാനായി കാട്ടിൽ പൊൻപണം വാരിയെറിയുകയും അത് കണ്ടെടുക്കാനായി ആളുകൾ കാട് വെട്ടിത്തെളിയിക്കുകയും ചെയ്തു. അന്നു മുതൽ ആ സ്ഥലം (കൊണ്ടുവെട്ടി) എന്ന പേരിൽ അറിയപ്പെട്ടു. കൊണ്ടുവെട്ടി പിൽക്കാലത്ത് കൊണ്ടോട്ടിയായി പരിണമിച്ചു.കീടക്കാട്ടു കുടുംബത്തിലെ കാരണവൻമാർ ധർമിഷ്ടരും മതഭക്തരുമായിരുന്നു. ഏത് പ്രദേശത്തായിരുന്നാലും പ്രഥമസ്ഥാനം നൽകിയിരുന്നത് പള്ളികളുടെ പുനരുദ്ധാരണത്തിനും പള്ളിയില്ലാത്ത സ്ഥലങ്ങളിൽ പള്ളി നിർമ്മിക്കുന്നതിനുമായിരുന്നു. തങ്ങന്മാരുമായും പണ്ഡിത ന്മാരുമായും ബന്ധം സ്ഥാപിക്കുന്നതിന് പ്രമുഖ താൽപര്യം കാണിച്ചിരുന്നു. ഹി. 8-ാം ശതകത്തിന്റെ അന്ത്യത്തിൽ ക്രിസ്തുവർഷം 14-ാം നൂറ്റാണ്ടിന്റെ അന്ത്യഘട്ടത്തിലാണ് പഴയങ്ങാടി പള്ളി നിർമിച്ചതെന്നാണ് പ്രബലമതം. (ഇസ്ലാമിക വിജ്ഞാനകോശം, ഐ.പി.എച്ച്, കോഴിക്കോട് 2005, ഭാഗം 8, പു. 634). ക്രി. 14-ാം നൂറ്റാണ്ടിൻ്റെ അവസാനത്തിൽ പഴയങ്ങാടി പള്ളി നിർമിക്കപ്പെട്ടിട്ടുണ്ടെന്നതിന് ഖബർസ്ഥാനിലെ ഒരു ഖബറിന്റെ മീസാൻ കല്ലിൽ രേഖപ്പെടുത്തിയ ലിഖിതവും തെളിവാണ് പ്രസ്തുത അറബി ഭാഷാ ലിഖിതത്തിൽ കാണുന്ന സൈനുദ്ദീൻ ഇബ്നു മുഹമ്മദ് അൽ : മൗലവിയുടെ മരണ കാലം ഏകദേശം : 14-ാം നൂറ്റാണ്ടാണെന്നാണ് രേഖപ്പെടുത്തിയിട്ടുള്ളത്. (Ziaudhin Desai, Arabic Persian Urdu Inscriptions of South India, ICHR, 1989, Delhi, p 99). ശൈഖ് മുഹമ്മദ് ശാഹ് വലിയ തങ്ങൾ 18-ാം നൂറ്റാണ്ടിന്റെ ഉത്തരാർദ്ധത്തിലാണ് കൊണ്ടോട്ടിയിൽ എത്തിയത്. കൊണ്ടോട്ടി പ്രദേശത്തെ പ്രഥമ ജുമുഅത്ത് പള്ളിയാണ് പഴയങ്ങാടി ജുമാമസ്ജിദ്. പള്ളി നിർമ്മാണത്തിന് ഹേതുവായത് ഒരു വെള്ളിയാഴ്ച്ച ജുമുഅ നമസ്കാരത്തിന് തിരൂരങ്ങാടിയിലേക്ക് പുറപ്പെട്ട കൊണ്ടോട്ടിവാസികൾക്ക് കാറ്റും മഴയും കാരണം ജുമുഅ നഷ്ടപ്പെട്ടതാണെന്ന് പറയപ്പെടുന്നു.

വലിയപറമ്പിലെ ആവത്താന്മാർ കുടുംബം വലിയ സമ്പന്നന്മാരും ജന്മികളുമായിരുന്നു. കീടക്കാട്ട് പറമ്പിൽ താമസിച്ചിരുന്ന കുഞ്ഞറമുട്ടിയുടെ സഹോദരൻ മൊയ്തീൻകുട്ടിയെ പുലിമഠം ഇല്ലക്കാരുടെ അനുമതിയോടുകൂടി ഭൂപ്രഭുവായ ആവത്താൻ ഉണ്ണി കൊണ്ടോട്ടിക്കടുത്ത വലിയപറമ്പിലേക്ക് കൂട്ടിക്കൊണ്ടുപോയി. അക്കാലത്ത് മലബാറിൽ നിന്നും മൈസൂരിലേക്ക് ധാരാളം ചപ്പങ്ങമരം കയറ്റുമതി ചെയ്തിരുന്നു. വലിയപറമ്പിലെയും പരിസരപ്രദേശങ്ങളിലെയും ചപ്പങ്ങമരം കോഴിക്കോട് നിന്ന് കപ്പൽ മാർഗം മംഗലാപുരത്തേക്ക് കയറ്റുമതി ചെയ്തിരുന്നത് കീടക്കാട്ട് മൊയ്തീൻകുട്ടിയായിരുന്നു. ആവത്താൻ ഉണ്ണി അദ്ദേഹത്തിന് താമസിക്കാനായി കുടുക്കിൽ പുറ്റാണിക്കാട്ട് പറമ്പ് നൽകി. അദ്ദേഹം ഫാത്തിമയെ ഭാര്യയായി സ്വീകരിച്ചു. അവരിൽ അദ്ദേഹത്തിന് മൂന്ന് പുത്രന്മാരും ഒരു പുത്രിയും ജനിച്ചു. മൊയ്തീൻകുട്ടിയും പിൻഗാമികളും (കുടുക്കൻമാർ) എന്ന കുടുംബനാമത്തിൽ പ്രസിദ്ധരായി. (കെ.പി. മൊയ്തീ ൻകുട്ടി ഹാജി സ്മൃതി, പുളിക്കൽ, കൊല്ലം രേഖപ്പെടുത്തിയിട്ടില്ല പു: 24) ആദ്യകാലത്ത് കുടുക്കന്മാരും കൊണ്ടോട്ടി തങ്ങന്മാരുടെ മുരീദന്മാർ (ശിഷ്യന്മാർ) ആയിരുന്നു. വളരെക്കാലം അവരും കൊണ്ടോട്ടി നേർച്ചക്ക് പെട്ടിവരവ് കൊണ്ടുവരാറുണ്ടായിരുന്നു. കൊണ്ടോട്ടി തങ്ങന്മാരുടെ കാര്യദർശി കീടക്കാട്ട് കുഞ്ഞറമുട്ടിയുടെ ഒരു ഓലപ്പകർപ്പ് കാണുക:- (കീടക്കാട്ട് കുടുക്കിൽ പുറ്റാണിക്കാട് വീരാൻ അവർകള് ആന്തുകുത്ത്, കൊണ്ടോട്ടി തക്കിയക്കവകാശപ്പെട്ട നിലത്തിന്റെ പാട്ടം വക 140 പറ നെല്ല് അളന്നുതന്നുബോദ്ധ്യപ്പെട്ടിരിക്കുന്നു). കീടക്കാട്ട് പുത്തൻപീടികക്കൽ കുഞ്ഞറമുട്ടി കൊണ്ടോട്ടി തക്കിയക്കൽ കാര്യസ്ഥൻ കൊല്ലം 1022 മേടം 20-ാം തിയ്യതി/ 1847

1798-ലെ ശ്രീരംഗപട്ടണം യുദ്ധത്തിൽ ടിപ്പുസുൽത്താൻ രക്തസാക്ഷിയായതിനെ തുടർന്ന് മലബാറിലെ മുസ്ലിം കേന്ദ്രങ്ങളെ ആക്രമിക്കാൻ പാറനമ്പി, സാമൂതിരി ഇളയ രാജാവ് എന്നിവർ ഗൂഢാലോചന നടത്തി. കൊണ്ടോട്ടി, തിരൂരങ്ങാടി, പറവണ്ണ, പരപ്പനങ്ങാടി മുതലായ മുസ്ലിം കേന്ദ്രങ്ങൾ ഈ എതിർപ്പിന് പാത്രമായിത്തീർന്നു. ഇളയ സാമൂതിരിപ്പാടിന്റെ സുശക്തമായ നായർ സൈന്യവ്യൂഹം പുളിക്കൽ വലിയ പറമ്പിലെ കാഞ്ഞിരക്കുന്നിൽ തമ്പടിച്ചു. കീടക്കാട്ട് മൊയ്തീൻകുട്ടിയുടെ നേതൃത്വത്തിലുള്ള സംഘം നായർപടയുമായി വീറോടെ പൊരുതി. ആ കലാപത്തിൽ ആവത്താൻ ഉണ്ണിയുടെ കാര്യസ്ഥനായ മൊയ്തീൻകുട്ടിയും ഏതാനും ആളുകളും രക്തസാക്ഷികളായി. അവരെ സംബന്ധിക്കുന്ന ഒരു രേഖയും അവശേഷിച്ചിട്ടില്ല. (കെ.പി. മൊയ്തീൻകുട്ടി ഹാജി സ്മൃതി, പു. 25). മൊയ്തീൻകുട്ടിയുടെ സന്തതികൾ വലിയപറമ്പിലെ സമ്പന്നരായി വളർന്നു. അദ്ദേഹത്തിന്റെ പുത്രനായ മൂസ്സരാമനാട്ടുകരക്കടുത്ത മുറിയായിക്കൽ പ്രദേശത്ത് നിന്നാണ് വിവാഹം ചെയ്തിരുന്നത്. അദ്ദേഹം ഭാര്യവീട്ടിൽ താമസമാക്കി. അദ്ദേഹത്തിന്റെ പിൻഗാമികൾ കുഴുത്തിനിപ്പുറം കുടുംബക്കാരായി മാറി. കീടക്കാട്ട് കുടുക്കിൽ പുറ്റാണിക്കാട് എന്ന കുടുംബനാമം കാലക്രമത്തിൽ (കുടുക്കിൽ) എന്ന ലഘു നാമത്തിൽ അറിയപ്പെട്ടു. കീടക്കാട്ടുകാരും കുടുക്കന്മാരും കഴുത്തിനിപ്പുറക്കാരും രക്തബന്ധത്തിൽപ്പെട്ടവരാണ്.

മുഹമ്മദ് ശാഹിന് താമസത്തിനും മറ്റും ആവശ്യമായ ഭൂമി നൽകണമെന്ന് ടിപ്പുസുൽത്താൻ കുഞ്ഞറമുട്ടി മൂപ്പനോട് കൽപ്പിച്ചു. ആജ്ഞപ്രകാരം അദ്ദേഹം മുഹമ്മദ് ശാഹ് തങ്ങൾക്കാവശ്യമായ ഭൂമി സൗജന്യമായി നൽകി (അതേകൃതി. പു. 249). കൊണ്ടോട്ടി ഒരു പ്രധാന മുസ്ലിം കേന്ദ്രമായി രൂപപ്പെടുന്നതിൽ പഴയങ്ങാടി പള്ളി നിർമാണത്തിനും കൊണ്ടോട്ടി തങ്ങന്മാരുടെ ആഗമനത്തിനുമുള്ള സ്ഥാനം സുവിദിതമത്രെ. ഈ രണ്ട് ചരിത്ര സംഭവങ്ങളിലും കീടക്കാട്ട് കുടുംബത്തിന്റെ കൈയൊപ്പ് പതിഞ്ഞുകിടക്കുന്നു. മുഹമ്മദ് ശാഹ് തങ്ങളുടെ പൂർവ്വചരിത്രം പരക്കെ അറിയപ്പെടുന്നതാണ്. ഖാദിരി ചിശ്തി പരമ്പരയിൽപ്പെട്ട ശൈഖ് മുഹമ്മദ് ശാഹ് ബോംബെയിലെ കർദാൻ സ്വദേശിയാണ്. ഔറംഗാബാദിലെ സൂഫിവര്യനായ ഖറം അലിയായിരുന്നു അദ്ദേഹത്തിന്റെ ശൈഖ്. ഹജ്ജ് യാത്രാനന്തരം ബൈത്തുൽ മുഖദ്ദിസ് സന്ദർശിച്ച ശൈഖ് മുഹമ്മദ് ശാഹ് പ്രവാചകനെ സ്വപ്നത്തിൽ ദർശിച്ചെന്നും അനന്തരം കൊച്ചിയിലേക്ക് പോകുന്ന കപ്പലിൽ കേരളത്തിലേക്ക് യാത്ര തിരിച്ചെന്നും പറയപ്പെടുന്നു. കൊച്ചിയിലെത്തിയ അദ്ദേഹം മലങ്കര, ബാലരാമപുരം, പുതുനഗരം മുതലായ പ്രദേശങ്ങൾ സന്ദർശിച്ചു. പാലക്കാട് വഴി അരീക്കോട് മലയിലെത്തി ധ്യാനനിരതനായി. ഈ മല പിന്നീട് (ശൈഖ്കുന്ന്) എന്നറിയപ്പെട്ടു. കാലാന്തരത്തിൽ അത് ചെക്കുന്ന് ആയി. അവിടെ നിന്നും മുഹമ്മദ് ശാഹ് തങ്ങളും കൂട്ടരും ചേപ്പിലക്കുന്നിന്റെ താഴ്വരയായ കാളോത്ത് എത്തിച്ചേർന്നു. ആ വനപ്രദേശത്ത് ധ്യാനത്തിലേർപ്പെട്ടു. സൂഫിവര്യനായ ശൈഖ് വന്ന വിവരം കൊണ്ടോട്ടി പഴയങ്ങാടി പള്ളി ഖാസി അബ്ദുൽ അസീസ് ഇബ്നു സൈനുദ്ദീൻ മഖ്ദൂമും, പൗരപ്രധാനികളായ കീടക്കാട്ട് പുത്തൻ പീടികക്കൽ കുഞ്ഞറമുട്ടി മൂപ്പനും മണ്ണിശ്ശേരി ഇബ്രാഹീമും അറിഞ്ഞു. അവർ മൂന്നു പേരും ശൈഖിനെ കാണുകയും അദ്ദേഹത്തിന്റെ ത്വരീഖത്ത് സ്വീകരിക്കുകയും ചെയ്തു. അനന്തരം അവർ മുഹമ്മദ് ശാഹിനെ കൊണ്ടോട്ടി നഗരത്തിലേക്ക് ക്ഷണിച്ചു. (ഇസ്ലാമിക വിജ്ഞാന കോശം, ഐ.പി.എച്ച്, കോഴിക്കോട്, 2005, ഭാഗം 8, പു. 634). അദ്ദേഹം ക്ഷണം സ്വീകരിച്ച് കൊണ്ടോട്ടിയിലെത്തിയത് ക്രി. 1773 ൽ ആണ്. ഇന്ന് കൊണ്ടോട്ടി ഖുബ്ബയും തക്കിയാവും മറ്റും സ്ഥിതിചെയ്യുന്ന ഭൂമിയെല്ലാം അക്കാലത്ത് കീടക്കാട്ട് പുത്തൻ പീടികക്കൽ കുഞ്ഞറമുട്ടി മൂപ്പന്റെതായിരുന്നു. അദ്ദേഹം ശൈഖ് മുഹമ്മദ് ശാഹിനും കുടുംബത്തിനും താമസിക്കാനായി തൈത്തോട്ടം വരെ നീണ്ടുകിടക്കുന്ന പ്രദേശം ദാനമായി നൽകി. പ്രസിദ്ധ മാപ്പിളകവിയും പണ്ഡിതനുമായിരുന്ന പുത്തലത്ത് ഇമ്പിച്ചി അരീക്കോട് എഴുതിയ (ഖിസ്സത്ത് മുഹമ്മദ് ശാഹ് തങ്ങൾ) എന്ന അപ്രകാശിത കാവ്യത്തിൽ ഈ കാര്യം വിവരിക്കുന്നുണ്ട്.
(മുത്തായ കരുണരെ സൗജത്ത്
അഹ്‌ലോർക്കും
വസികുവാൻ സുഖങ്ങളുവൊത്ത
മാടം മറ്റുമെ സ്വത്തും നല്‍കിയോര്‍കളെ
നാമം ഇതാ വിരുത്തേ
ഉത്തിടും കിടക്കാട്ടുള്‍
മുഹമ്മദ് യെണ്ടവരുടെ- പിതാവരാം
ഒളിയും പൂമളര്‍ ഖുബ്ബക്കുള്ള
സ്ഥാനവും
മാറ്റുമെ കൊടുത്തിവരാം.
ഇവരാറ്റല്‍വൊലി കൂടെയേറ്റം
നിഅ്മത്തില്‍ അമീറായി
നിലന്തോര്‍താമെ
ഇതില്‍ പ്രതിഫലം മോഹിച്ചല്ല
ഖുത്ത്ബമെ തണി കൃപ
കൊതിത്തോ രാമെ
) (അനുബന്ധം 2 കാണുക)
കുഞ്ഞറമുട്ടി മൂപ്പന്‍ സ്ഥലം നല്‍കിയത്‌ യാതൊരു ഭൗദിക പ്രതിഫലവും മോഹിച്ചല്ലെന്നും അദ്ദേഹം ശൈഖ് മുഹമ്മദ് ശാഹിന്റെ ഗുരുത്വവും അനുഗ്രഹവും മാത്രമാണ് പ്രതിക്ഷിച്ചിരുന്നതെന്നും കവി വ്യക്തമാക്കുന്നുണ്ട്. പ്രസ്തുതസംഭവം പ്രമുഖ ചരിത്രകാരനായ ഡോ. സി.കെ. കരീം രേഖപ്പെടുത്തുന്നു. കൊണ്ടോട്ടിയിലെ ഏറ്റവും വലിയ ഭൂസ്വത്തിനുടമയായ കീടക്കാട്ടു പുത്തൻ പീടികക്കൽ കുഞ്ഞമുട്ടി മൂപ്പൻ തക്കിയാവ് സ്ഥിതിചെയ്യുന്ന വിശാലമായ സ്ഥലം തങ്ങളുടെ വാസത്തിന് ദാനം നൽകി. പിന്നീട് മൂപ്പൻ തങ്ങളുടെ കാര്യദർശിയായി. (ഡോ. സി.കെ. കരീം, കേരള മുസ്ലിം ചരിത്രം സ്ഥിതി വിവരക്കണക്ക് ഡയറക്ടറി, വാള്യം 2, പു 635).

ഏറെ പ്രസിദ്ധമായ ഈ കേസിൽ ചരിത്ര വിദ്യാർത്ഥികൾക്ക് പാഠമുണ്ട്. തല്ലാനും തലോടാനും അധികാരമുണ്ടായിരുന്ന നാടുവാഴിയും മതാധികാരിയുമായ തങ്ങൾക്ക് എതിരെ കേസ് കൊടുത്ത മഹതിയുടെ അങ്ങേയറ്റത്തെ ധീരത രേഖപ്പെടുത്തപ്പെടേണ്ടതാണ്. അഭിമാനവും അന്തസ്സുമുള്ളവർക്ക് മാത്രമേ ഇത്തരം നടപടിക്ക് സാധിക്കുകയുള്ളൂ. കേസ് വിസ്താരവേളയിൽ കോടതി നടത്തിയ ചില നിരീക്ഷണങ്ങളിൽ നിന്ന് തന്നെ ഇത് വായിച്ചെടുക്കാം. കല്യാണ സമയത്ത് 200 ഉറുപ്പിക മകൾക്ക് കൊടുത്തിട്ടുണ്ടെന്നും 500 രൂപയുടെ സ്വത്ത് മകളുടെ പേരിലുണ്ടെന്നും അതിന്റെ രേഖ കൊണ്ടോട്ടി തങ്ങളുടെ അടുതാണെന്നും മമ്മദിശ മൊഴി കൊടുക്കുന്നുണ്ട്. ജീവനാംശം കിട്ടാനുള്ള തന്റെ വാദം സ്ഥാപിക്കാൻ വേണ്ടി തങ്ങൾക്ക് മാലിഖാൻ വകയിലും, പാട്ടകൃഷിയിലൂടെയും നേർച്ചയിലൂടെയും സന്ദർശകരിൽ നിന്നും, ഖബറിന് ഈടാക്കുന്ന തുകയിലൂടെയുമെല്ലാം കൂടി വലിയ വരുമാനമുണ്ടെന്ന്പാത്തുമുണ്ണിയും സാക്ഷികളും സ്ഥാപിക്കുന്നുണ്ട്. കേസ് കൊടുത്തവരും നല്ല ധനസ്ഥിതിയിലാണെന്ന് കോടതി തന്നെ നിരീക്ഷിക്കുന്നുണ്ട്. അതിന്റെ അടിസ്ഥാ നത്തിലാണ് ജീവനാംശം കൊടുക്കാൻ വിധിക്കുന്നത്. ബിയ്യുമുണ്ണി മലബാർ ചരിത്രത്തിലെ സ്ത്രീ ശാക്തീകരണത്തിന്റെ ആദ്യ ബിന്ദുവാണ്. അധികാരത്തിനും ധാഷ്ട്യത്തിനും മുന്നിൽ തോൽക്കാൻ ആ മാപ്പിള മഹതി തയ്യാറായില്ല. 1980കളിൽ ഷാബാനു കേസ് ഇന്ത്യയിൽ ഉയർത്തിയ പുക്കാറ് അറിയുന്നവർ ഓർക്കുക 20-ാം നൂറ്റാണ്ടിന്റെ ആദ്യ വർഷം ജീവനാംശം ലഭിക്കാൻ കേസുകൊടുത്ത ധീര വനിത കീടക്കാട്ട് പുത്തൻപീടികക്കൽ കുടുംബത്തിൽപ്പെട്ടവരാണെന്ന്. ഗാർഹിക പീഡനത്തിനും ബഹു ഭാര്യത്വ നിയമം ചൂഷണം ചെയ്യുന്നതിനുമെതിരെയുള്ള ഒരു നിയമപോരാട്ടം കൂടിയായിരുന്നു ബിയ്യമുണ്ണി നടത്തിയത്. അക്കാലത്ത് മാത്രമല്ല, എന്നും പ്രസക്തമായ സമരമാണ് അവർ നയിച്ചത്. ഈ കേസ് പ്രസക്തമായ ചില മതവിഷയങ്ങളും ഉയർത്തിക്കൊണ്ടുവന്നു. ഭാര്യയുടെ ചിറ്റമ്മയെ (അവർ വിവാഹ മോചിതയായാൽ പോലും) ഭർത്താവിന് വിവാഹം കഴിക്കാമോ? ഇതിലെ അനുകൂലവും പ്രതികൂലവുമായ ന്യായവാദങ്ങളും പരിശോധിച്ചാണ് കോടതി വിധി പ്രസ്താവിച്ചത്. ബിയ്യുമുണ്ണിയെ കൊയപ്പത്തൊടി തറവാട്ടിലേക്കാണ് പുനർവിവാഹം നടത്തിയത്. കീടക്കാട്ട് പുത്തൻപീടികക്കൽ മമ്മദീശ്ശയുടെ മൂന്ന് ഭാര്യമാരിൽ ആദ്യ ഭാര്യ ഞണ്ടുകണ്ണി കദിയുമ്മ എന്നവരാണ്. ഈ ബന്ധത്തിലുള്ള മക്കളാണ് മൊയ്തീൻ, ബിച്ചുമുണ്ണി, മമ്മിയ്യ, പാത്തോമ, ഇത്തിക്കുട്ടി ഉമ്മ എന്നിവർ. ബിയ്യുമുണ്ണി ഉമ്മയുടെ ആദ്യ വിവാഹം കൊണ്ടോട്ടി തങ്ങളുമായും രണ്ടാം വിവാഹം കൊയപ്പത്തൊടി മണ്ണുതൊടുവിൽ മോയിൻകുട്ടിയുമായിട്ടായിരുന്നു. ഈ ബന്ധത്തിലുള്ള മക്കളാണ് മുഹമ്മദ് ഹാജി, മമ്മദ്കുട്ടി (കെ. എം. കുട്ടി സാഹിബ്), അബ്ദുറഹിമാൻ, മറിയം എന്നിവർ. മറിയത്തിനെ വിവാഹം കഴിച്ചത് പള്ളിപ്പുറം കുഞ്ഞി സൂപ്പിക്കുട്ടി ഹാജി (പരപ്പനങ്ങാടി) ആണ്. മമ്മദീശയുടെ രണ്ടാമത്തെ പുത്രിയായ മമ്മിയ്യയെ വിവാഹം കഴിച്ചത് ആനക്കയം ചേക്കുട്ടി ഇൻസ്പെക്ടറുടെ മകനായ കൂരിമണ്ണിൽ വലിയമണ്ണിൽ അഹമ്മദ്കുട്ടിയായിരുന്നു. പൂളക്കൽ കമ്മുക്കുട്ടി ഹാജിയാണ് (തലക്കോട്ടിരി) മമ്മദീശ്ശയുടെ മൂന്നാമത്തെ പുത്രി പാത്ത്വാമയെ വിവാഹം കഴിച്ചത്. (ഖാദർ, കദിയുമ്മ, മമ്മദ്കുട്ടി എന്നിവർ അവരുടെ സന്തതികളാണ്). മമ്മദീശയുടെ എളയ പുത്രിയായ ഇത്തിക്കുട്ടി ഉമ്മയെ പാറമ്മൽ അമ്പാടി കുഞ്ഞാപ്പു ഹാജിയാണ് (കരിപ്പൂർ) വിവാഹം കഴിച്ചത്. മക്കൾ: മമ്മദ് അധികാരി, മൊയ്തീൻ മാനുഹസൻഹാജി.

മേൽമുറി അധികാരിത്തൊടി കൂട്ടക്കൊലയിലുൾപ്പെട്ട കീടക്കാട്ട് കുടുംബത്തെപ്പറ്റിയുള്ള ആദ്യ സൂചന ലഭിക്കുന്നത് യോഗ്യൻ ഹംസ മാസ്റ്റർ രചിച്ച അബ്ദുറഹ്മാൻ കിസ്സപ്പാട്ട് എന്ന ചരിത്ര കാവ്യത്തിൽ നിന്നാണ്. അദ്ദേഹത്തിന്റെ മാതാവ് അരീപ്പുറം പാറക്കൽ ആയിശ സംഭവത്തിന് ദൃക്സാക്ഷിയായിരുന്നു. അന്നവർക്ക് 4 വയസ് പ്രായമായിരുന്നു. ആയിശയുടെ പിതാവ് അഹമ്മദ്കുട്ടി ഹാജിയും എളാപ്പ മൊയ്തീൻകുട്ടി ഹാജിയും ഈ കൊടുംക്രൂരതയുടെ ഇര കളായിരുന്നു. അധികാരിത്തൊടി വട്ടപ്പറമ്പിലെ അരീപ്പുറം പാറക്കൽ കോയക്കുട്ടി ഹാജിയുടെ വീട്ടുമുറ്റത്തെ കല്ലുവെട്ടിക്കുഴിയിൽ 11 പേരെയാണ് മറവു ചെയ്തത്. അരീപ്പുറം പാറക്കൽ അഹ്മദ്കുട്ടി ഹാജി, അനിയൻ മൊയ്തീൻകുട്ടി ഹാജി, കുട്ടിരായിൻ, മരക്കാർ, കോങ്കായൻ അലവി എന്നിവർക്കൊപ്പമാണ് കീടക്കാട്ട് കുടുംബാംഗങ്ങളെ മറവ് ചെയ്തത്. (ഐ സമീൽ, ചരിത്രം കാണാതെ പോയ ഖബറുകൾ, മാധ്യമം വാരിക, പുസ്തകം 21, ലക്കം 1075, ഒക്ടോബർ 8, 2018, പു. 16). 1980ൽ ആണ് രക്തസാക്ഷികളുടെ ഖബറിടം പ്രത്യേകം മതിൽകെട്ടി സംരക്ഷിച്ചത്. അനേകവർഷം യു.എ.ഇ.യിൽ പ്രവാസിയായിരുന്ന അരിപ്പുറം പാറക്കൽ മുഹമ്മദ് ഹാജിയാണ് ഈ ചരിത്രശേഷിപ്പ് സംരക്ഷിക്കാൻ മുൻകൈയെടുത്തത്. അദ്ദേഹത്തിനുണ്ടായ ഒരു സ്വപ്ന ദർശനത്തിന്റെ പൂർത്തീകരണമായിരുന്നു അത്. (അഭിമുഖം, അരീപ്പുറം പാറക്കൽ മുഹമ്മദ്ഹാജി, അധികാരിത്തൊടി, വട്ടപ്പറമ്പ് 06.10.2018). മലബാർ സമരത്തിലെ ഏറ്റവും പ്രായം കുറഞ്ഞ രക്തസാക്ഷികളിലൊരാളാണ് കീടക്കാട്ട് ഫാത്തിമ എന്ന 11 വയസ്സുകാരി. സ്വപിതാമഹനെ ബ്രിട്ടീഷ് പട്ടാളം വെടിവെച്ചു കൊല്ലാൻ വീട്ടിൽ നിന്നും ബലമായി പിടിച്ചിറക്കി കൊണ്ടുപോകാനുള്ള ശ്രമത്തെ ജീവൻ ബലി നൽകി അവൾ ചെറുത്തു. പിതാമഹനെ ചുറ്റിപ്പിടിച്ചു നിന്ന ഫാത്തിമയെ വേർപ്പെടുത്താൻ പട്ടാളക്കാർ ആവതും ശ്രമിച്ചു. അവർ തോക്കിന്റെ ചട്ട കൊണ്ട് ഫാത്തിമയെ ഭേദ്യം ചെയ്തു. ഫാത്തിമ കൂടുതൽ ശക്തിയോടെ വല്യുപ്പയെ കെട്ടിപ്പിടിച്ചു. പട്ടാളക്കാർ ഏറെ ബലപ്രയോഗം നടത്തിയിട്ടും ഉശിരുള്ള മോൾ പിതാമഹനെ വിട്ടുകൊടുത്തില്ല. മരിക്കയാണെങ്കിൽ രണ്ടാളും ഒന്നിച്ച് എന്ന് ആ ബാലിക തീ രുമാനിച്ചുറച്ചിരുന്നു. ഡോർസറ്റ് പട്ടാളം ആ വന്ദ്യവയോധികനെയും പൗത്രിയെയും ഒന്നിച്ചു വെടിവച്ചു കൊന്നു. രണ്ട് രക്തസാക്ഷികൾ! ഈ ദാരുണ സംഭവത്തിന് ശേഷം അധികാരത്തൊടിയിൽ നിന്ന് മറ്റ് കുടുംബങ്ങളും മാപ്പിളമാരെ സഹായിച്ചിരുന്ന ഈഴവ കുടുംബവും സ്ഥലം മാറിപ്പോയിരുന്നു.

കൊണ്ടോട്ടി തങ്ങൾ ഒരു ഭാഗത്തും മമ്മദിശയുടെ മക്കൾ മറുഭാഗത്തുമായി നടന്ന ഏറെ ശ്രദ്ധയാകർഷിച്ച കേസ്സാണ് പുളക്കേസ് എന്ന പേരിൽ അറിയപ്പെടുന്നത്. കോളിമാട്കുന്ന്, കുന്നത്ത്പറമ്പ് തുടങ്ങിയ കൃഷി സ്ഥലങ്ങളെക്കുറിച്ചായിരുന്നു 1940ൽ നടന്ന പ്രസ്തുത കോടതി വ്യവഹാരം, അന്നത്തെ സ്ഥാനീയനായ ശൈഖ് മുശ്താഖ് ഷാഹ് എന്ന നസറുദ്ദീൻ തങ്ങൾ കീടക്കാട്ട് പുത്തൻ പീടികക്കി മാദിശയുടെ കുടുംബത്തിനവകാശപ്പെട്ട പ്രസ്തുത കൃഷിയിടങ്ങൾ കാണപാട്ടത്തിന് എടുത്ത പൂളകൃഷി (കപ്പ) നടത്തുകയും ഈ സ്വത്തു വകകൾക്ക് നികുതി ഒടുക്കുകയും ചെയ്തു. അക്കാലത്ത് മലബാർ പ്രദേശങ്ങളിൽ കൃഷി ചെയ്തെങ്കിൽ മാത്രം നികുതി ഒടുക്കേണ്ട അത്തരം പുഞ്ചസ്ഥലങ്ങൾ ഉണ്ടായിരുന്നു. മേപ്പടി വസ്തുക്ക ൾ ഈ ഇനത്തിൽ പെടുന്നതായിരുന്നു. ഈ കൃഷി ഭൂമി കൈവശപ്പെടുത്താനാണ് തങ്ങൾ നികുതി ഒടുക്കിയതെന്ന് ധരിച്ച് മമ്മദിശയുടെ അവകാശികൾ, അവർക്കിടയിലുണ്ടായിരുന്നു തെറ്റിദ്ധാരണയും വടംവലിയും മാറ്റിവച്ച് അവർക്കവകാശപ്പെട്ട ഭൂമി വീണ്ടെടുക്കാൻ യോജിച്ചു. മമ്മദിശയുടെ മക്കളായ കുഞ്ഞറമുട്ടി, കുഞ്ഞഹമ്മദ്, മമ്മതുട്ടി, മൊയ്തീൻ, അവരുടെ സഹോദരീ പുത്രന്മാരായ മമ്മദ് അധികാരി, കെ.എം. കുട്ടി സാഹിബ് (വാഴക്കാട്) തുടങ്ങിയവർ തങ്ങളുടെ അടുക്കൽ പോയി ഒരു കൊല്ലത്തെ കട്ടക്കാണം (പാട്ടം) ആവശ്യപ്പെട്ടു. തങ്ങൾ പാട്ടം കൊടുക്കാൻ വിസമ്മതിച്ചു. പാട്ടം തരാതെ തന്നെ വീണ്ടും കൃഷിയിറക്കുമെന്ന് പറഞ്ഞു. അദ്ദേഹം പ്രസ്തുത പറമ്പുകളിൽ പൂള (കപ്പ) കൃഷിയിറക്കി. പ്രതിനിധി സംഘം ഈ കാര്യത്തെക്കുറിച്ച് പലപ്പോഴും കൊണ്ടോട്ടി തങ്ങളെ കണ്ട് സംസാരിച്ചെങ്കിലും പരിഹാരമുണ്ടായില്ല. ഈ വിഷയത്തിൽ കൊടക്കാടൻ ഹൈദസ്സുകുട്ടി, കോട്ടപത്തൂർ (കോട്ടപാലക്കോടത്ത്) മുഹമ്മദ് ഹാജി തുടങ്ങിയവർ മദ്ധ്യസ്ഥം വഹിച്ചെങ്കിലും ഫലം കണ്ടില്ല. തക്കിയാവിൽ സന്ദർശകർ വരുമ്പോൾ തങ്ങളുടെ മുമ്പിൽ തറയിൽ പായ വിരിച്ചാണ് ഇരിക്കേണ്ടിയിരുന്നത്. മേൽപറഞ്ഞ മമ്മദീശയുടെ അവകാശികളുടെ ചില പ്രവർത്തനങ്ങൾ തങ്ങൾക്ക് ഇഷ്ടപ്പെട്ടില്ല. ഇവർ കൊണ്ടോട്ടി തങ്ങൾ ഇരിക്കുന്ന കസേരക്കടുത്തുള്ള ബെഞ്ചിൽ ഇരുന്നുവത്രെ. ഇത് തങ്ങളുടെ ശുണ്ഠിക്ക് കാരണമാക്കി. മധ്യസ്ഥ ശ്രമങ്ങളെല്ലാം പരാജയപ്പെട്ടപ്പോൾ വസ്തുവകളുടെ അവകാശികൾ കോടതിയെ സമീപിച്ചു. കേസ്സിന്റെ ഭാഗമായി അന്നത്തെ തുക്കിടി സായിപ്പ് ക്രിപ്സ് സ്ഥലം സന്ദർശിച്ച് നേരിട്ട് തെളിവെടുപ്പ് നടത്തി. അദ്ദേഹം നെടിയിരുപ്പ് അംശത്തിൽപെട്ട കുന്നത്ത്പറമ്പിലേക്ക് പോകാൻ കുറുപ്പത്ത് ജംഗ്ഷനിൽ കാർ നിർത്തി മണ്ണാരിൽ ഇടവഴിയിലൂടെ കാൽനടയായി സ്ഥലത്തെത്തി. കേസ് വിസ്താരം നടക്കുന്ന വേളയിൽ കോടതി പരിസരത്തും, സ്പോട്ട് എൻക്വയറി നടത്തുന്ന സമയത്ത് പറമ്പിലും വൻ ജനക്കൂട്ടമുണ്ടായിരുന്നു. ഇനാംദാറും നാടുവാഴിയും വലിയൊരു വിഭാഗം ജനങ്ങളുടെ ആത്മീയ നേതാവുമായ കൊണ്ടോട്ടി തങ്ങൾക്കെതിരിലുള്ള കേസ് എന്ന നിലക്ക് ഇത് ബഹുജനശ്രദ്ധയാകർഷിച്ചു. കുന്നത്ത് പറമ്പിൽ തെളിവെടുപ്പ് നടത്തിയതിനു ശേഷം സായ്പ് കോട്ടിയോട് പറമ്പിലേക്ക് പോയി. പരേരി, മൈലാടി, പുളിയംചാൽ, തയ്യിലെപറമ്പ്, കണ്ണൻ കോട്ടുപാറ (ഇന്നത്തെ എയർപോർട്ട്) വഴി ടെർമിനൽ ബിൽഡിംഗിന്റെ വടക്കുഭാഗത്ത് സ്ഥിതി ചെയ്യുന്ന കോട്ടിയാട് പറമ്പിലെത്തി. അവിടെ നിന്നും തെളിവെടുത്ത ശേഷം അടുത്ത ആഴ്ച കേസ് വിധി പറയുമെന്ന് തുക്കിടി സായിപ്പ് പ്രഖ്യാപിച്ചു. രണ്ട് പറമ്പുകളിലും തടിച്ചുകൂടിയവരും അയൽ വീടുകളിലുമുള്ളവരെല്ലാം കൊണ്ടോട്ടി തങ്ങൾക്കനുകൂലമായി സാക്ഷി പറഞ്ഞു. സാക്ഷിമൊഴികൾ ഗുമസ്തൻ രേഖപ്പെടുത്തുമ്പോൾ, അന്യായക്കാരുടെ വക്കീൽ ആയ രാമസ്വാമി, തെളിവ് കൊടുക്കുന്നവരോട് (നിങ്ങൾ കൊണ്ടോട്ടി തങ്ങളുടെ മുരീദ് അല്ലേ?) (നിങ്ങൾ കൊണ്ടോട്ടി തങ്ങളുടെ സേവകരല്ലേ?) തുടങ്ങിയ ചോദ്യങ്ങൾ ഉന്നയിച്ചിരുന്നു. എല്ലാവരും (അതെ) എന്ന് ഉത്തരം നൽകി. ഗുമസ്തൻ ഇത് ശ്രദ്ധാപൂർവ്വം കുറിച്ചെടുത്തിരുന്നു. ആ സന്ദർഭത്തിൽ സായിപ്പ് (മുരീദ്) എന്താണെന്ന് വക്കീലിനോട് അന്വേഷിച്ചു. കേസ് വിസ്താര വേളയിൽ വക്കീൽ മുരീദ് എന്നത് ഇങ്ങനെ നിർവചിച്ചു: മുരീദ് എന്നാൽ തങ്ങൾ അദ്ദേഹത്തെ അനുസരിക്കുന്ന ഒരു വ്യക്തമായ പ്രതിജ്ഞാനന്തരം തെരഞ്ഞെടുക്കുന്ന വ്യക്തിയാണ്. അത്തരക്കാർ സർവദാ, തങ്ങളെ അനുസരിക്കുന്നവരും ലൗകികവും പാരത്രികവുമായ എല്ലാ പ്രശ്നങ്ങൾക്കും പരിഹാരമാണിതെന്ന് അടിയുറച്ച് വിശ്വസിക്കുന്നവരുമാണ്. തങ്ങളുടെ ഇംഗിതത്തിനനുയോജ്യമായി പ്രവർത്തിക്കുന്നവരുമാണ്. തങ്ങളുടെ മുരീദന്മാരുടെ മയ്യിത്ത് സംസ്കരണ വേളയിൽ ഒരു കുപ്പിയിൽ ഒരു ലോഹത്തകിടിൽ ഖബർ ശിക്ഷയിൽ നിന്നും ഒഴിവാക്കി കൊടുക്കുവാൻ തങ്ങളുടെ ശുപാർശ അടങ്ങുന്ന ലിഖിതം അടക്കി ആ കുപ്പി മയ്യിത്തിന്റെ തലഭാഗത്ത് വയ്ക്കുന്ന സമ്പ്രദായം മുരീദന്മാർക്കിടയിലുണ്ടെന്നും സൂചിപ്പിച്ചു. കേസ് വിധി പ്രസ്താവനയിൽ അധിക തെളിവ് (ഓവർ എവിഡൻസ്) കാരണം പൂള (കപ്പ) അന്യായക്കാരുടേതാണെന്ന് തുക്കിടി സായിപ്പ് തീർപ്പ് കൽപ്പിച്ചു. അതിനു ശേഷം മധ്യസ്ഥൻമാർ മുഖേന പൂളക്കൃഷി തങ്ങളോട് തന്നെ വിളവെടുക്കാനും ഭൂമി അന്യായക്കാർക്ക് ഒഴിഞ്ഞുകൊടുക്കാനും അഭ്യർത്ഥിച്ചു. തങ്ങൾ വഴങ്ങിയില്ല. മൂപ്പെത്തിയ പൂള വിളവെടുക്കാൻ അന്യായക്കാർ നാട്ടുകാർക്ക് വിട്ടുകൊടുത്തു. കുഞ്ഞഹമ്മദിന്റെ ഉറ്റ സുഹൃത്തായ കൊടക്കാടൻ കുഞ്ഞഹമ്മത് കുട്ടിയുടെ നേതൃത്വത്തിൽ ഒരു കാളയെ അറുത്ത് മാംസവും നാട്ടുകാർക്ക് വിതരണം ചെയ്തു. അതിന് പ്രതികാരമായി അന്യായക്കാരുടെ നാല് ഏക്കറോളം വരുന്ന തെയ്യത്താൻ പറമ്പിലെ മുഴുവൻ ഇഞ്ചികൃഷിയും തങ്ങളുടെ സിൽബന്ധികൾ കയ്യേറി കിളച്ചെടുത്തു. പലദിക്കുകളിൽ നിന്നും വന്ന മുരീദന്മാർ വിളവുകൾ സ്വന്തമാക്കി. ഏറെ വിവാദം സൃഷ്ടിച്ച പൂളക്കേസ്സ് കൂടുതൽ കുഴപ്പങ്ങളില്ലാതെ അവസാനിച്ചതിൽ ഇരുപക്ഷത്തിന്റേയും ക്രിയാത്മകമായ ഇടപെടലുകൾ ഉണ്ടായിരുന്നു. നസറുദ്ദീൻ തങ്ങളുടെ മരണത്തോടെ ഇത് കടങ്കഥയായി. നാടുവാഴിത്തത്തിനും അധികാര മുഷ്കിനുമെതിരെ കർഷകർ കൃഷിഭൂമി വീണ്ടെടുക്കാൻ വേണ്ടി നടത്തിയ പോരാട്ടമായി ഇതിനെ അടയാളപ്പെടുത്താം. ഉറച്ച ഇച്ഛാശക്തിക്കുമുമ്പിൽ അധികാരത്തിന്റെ കോട്ടകൊത്തളങ്ങൾ ചില്ലുകൊട്ടാരം പോലെ തകർന്നുവീഴുമെന്നത് നിഷേധിക്കാനാവാത്ത ചരിത്രമാണ്. മലബാറിലെ കർഷക സമരങ്ങളുടെ ചരിത്രത്തിൽ അടയാളപ്പെടുത്താതെ പോയ സംഭവമാണിത്.

കലക്ടർ കാളീശ്വരൻ സ്ഥലം സന്ദർശിക്കാനെത്തി. മേലങ്ങാടി മങ്ങാട്ട് വരെ വാഹനത്തിൽ വന്ന അദ്ദേഹത്തെ അവിടെ നിന്നും മഞ്ചലിൽ കണ്ണംകോട്ടു പാറയിൽ എത്തിച്ചു. പി.എ.മമ്മദ് അധികാരി, രാഘവൻ നായർ തുടങ്ങിയവർ അദ്ദേഹത്തെ അനുഗമിച്ചു. റൺവേക്ക് വേണ്ടി 6000 അടി അമ്പാട്ട് കുഴി മുതൽ കരിയാത്തൻകുന്ന് വരെ അളന്നു. എയർപോർട്ടിലേക്ക് ആദ്യം അക്വയർ ചെയ്ത ഭൂമിയിൽ മൂന്നിൽ ഒരു ഭാഗവും കീടക്കാട്ട് കുടുംബത്തിന്റേതാണ്. ബങ്കളം : 33 ഏക്കർ, കണ്ണം കോട്ട്പാറ 22 ഏക്കർ, കാളക്കൊളമ്പ് 11 ഏക്കർ, കരിയാതുംകുന്ന് 15 ഏക്കർ, കോട്ടിയാട്ട് 10, കിളിനാട്ട്പറമ്പ് 20 ഏക്കർ, വലിയപറമ്പ് 6 ഏക്കർ, വെങ്കട്ടപ്പറമ്പ് 10 ഏക്കർ, കൊലന്റെകണ്ടി 3 ഏക്കർ, ചോരുപ്പടി 3 ഏക്കർ, മുക്കോളിക്കണ്ടി 6 ഏക്കർ, കൊളത്തിങ്ങൽ പറമ്പ് 9 ഏക്കർ, തയ്യിലതൊട് 5 ഏക്കർ, പുളിയഞ്ചാലിപറമ്പ് 10 ഏക്കർ, മേലെ കൊട്ടക്കാട്ട് 8 ഏക്കർ, പടിഞ്ഞാറെ കൊട്ടക്കാട്ട് 3 ഏക്കർ, കൈനാട് പറമ്പ് അഞ്ചര ഏക്കർ, തെയ്യത്തെ പറമ്പ് 8 ഏക്കർ, മുണ്ടുപറമ്പ് 3 ഏക്കർ, മുള്ള മട 1 ഏക്കർ എന്നിങ്ങനെ 20 നമ്പർ ഭൂമിയാണ് അക്വയർ ചെയ്തത്. (അഭിമുഖം കെ.പി. മുഹമ്മദ് എന്ന ബാപ്പു മാസ്റ്റർ മേലങ്ങാടി). 1970ൽ എയർ പോർട്ടിലേക്ക് ഭൂമി എടുത്തത് സെന്റിന് 35 രൂപ 70 പൈസ വില ഈടാക്കിയാണ്. ഗ്രാമീണസൗന്ദര്യം തുടിച്ചുനിന്ന കൊണ്ടോട്ടി ഒരു നഗരമായി മാറിയത് എയർപോർട്ട് വന്നതോടുകൂടിയാണ്. എയർപോർട്ട് നാടിന്റെ മുഖച്ഛായ മാറ്റി. ഇന്നതൊരു അന്താരാഷ്ട്ര വിമാനത്താവളമാണ്. പ്രത്യക്ഷമായും പരോക്ഷമായും ആയിരക്കണിക്ക് കുടുംബങ്ങൾ ജാതി-മത ഭേദമന്യേ ഇതുകൊണ്ട് ജീവിച്ചു പോകുന്നു. എയർ പോർട്ട് സ്ഥാപിച്ചതോടു കൂടി ഗൾഫ് നാടുകളും ഉത്തര മലബാറുമായുള്ള ദൂരം കുറഞ്ഞു. ഇന്ന് ഗൾഫിൽ പോകുന്നതും വരുന്നതും യാത്രാക്ലേശമില്ലാത്ത ഒന്നാണ്. ചുരുക്കത്തിൽ നാട്ടിൽ നാനാതുറയിലുള്ള പരിവർത്തനങ്ങൾക്ക് തുടക്കമിട്ട - ഗൾഫ് രാജ്യങ്ങളുമായുള്ള ദൂരം കുറച്ച, പാരമ്പര്യ വൈദ്യശാസ്ത്ര സാധ്യതകൾ അന്യനാട്ടിൽ എത്തിക്കുന്നതിൽ തുടങ്ങി, കച്ചവട വ്യാപാര മേഖലയിലും കയറ്റുമതിയിലുമെല്ലാം മലബാറിന് മൊത്തത്തിൽ ഒരു കുതിച്ചുചാട്ടം നടത്താൻ ഏറെ സഹായിച്ചത് കരിപ്പൂർ വിമാനത്താവളമാണ്. അത് ഒരു യാഥാർത്ഥ്യമാക്കുന്നതിൽ ആദ്യകാലത്ത് ഏറെ സംഭാവനകൾ ചെയ്തത് കീടക്കാട്ട് കുടുംബവുമാണ്.

മമ്മദിന്റെ പുത്രൻമാരായ അഹമ്മദ്, കുഞ്ഞറമുട്ടി എന്നീ രണ്ട് പുത്രന്മാരിലൂടെയാണ് കീടക്കാട്ട് കുടുംബത്തിന്റെ ശാഖകൾ വളർന്നു പന്തലിച്ചത്. കീടക്കാട്ട് കുടുംബത്തിൽപ്പെട്ടവർ വയനാട്ടിലെ നെല്ലിയമ്പം, കമ്പളക്കാട്ട്, കണിയാമ്പറ്റ, കരണി, പാലുകുന്ന്, മുത്തങ്ങ, കോഴിക്കോട് ജില്ലയിലെ കാരപ്പറമ്പ്, കണ്ണാടിക്കൽ, കൊയിലാണ്ടി, നടുവണ്ണൂർ, മാങ്കാവ്, അരിക്കുളം, കോഴിക്കോട് കോർപ്പറേഷൻ, ചാലപ്പുറം, കോട്ടുളി, താമരശ്ശേരി, ചെറുവണ്ണൂർ, ഫറോക്ക്, കരുവൻതിരുത്തി മലപ്പുറം ജില്ലയിലെ കൊണ്ടോട്ടി, കരിപ്പൂർ, നെടിയിരുപ്പ്, പള്ളിക്കൽ, ചേലേമ്പ്ര, വാഴയൂർ, ചെറുകാവ്, പുളിക്കൽ, ആന്തിയൂർകുന്ന്, വാഴക്കാട്, അരീക്കോട്, മലപ്പുറം, മഞ്ചേരി, കാവനൂർ, കൽപകഞ്ചേരി, കോണോംപാറ, പൂക്കോട്ടൂർ, ആനക്കയം, തിരൂർ, കരുളായി, എടക്കര, കുറ്റിപ്പാല, ശാന്തിഗ്രാം, വളാഞ്ചേരി, മേലങ്ങാടി, കുറുപ്പത്ത്, പെരുവള്ളൂർ തുടങ്ങി പല സ്ഥലങ്ങളിലായി വ്യാപിച്ചുകിടക്കുന്നു. ഇതിൽപ്പെട്ട ശാഖകളുടെ ലഘു ചരിത്രമാണ് വിവരിക്കാനുദ്ദേശിക്കുന്നത്.

കീടക്കാട്ട് കുഞ്ഞറമുട്ടി (Vll) യുടെ രണ്ടാം ഭാര്യയായ മാടശ്ശേരി പൊക്കാട്ട് ഏനുദ്ദീൻ കുട്ടി മകൾ ഇണ്ണിപ്പാത്തുമ്മയിലുള്ള മകനും തയ്യിൽ മമ്മദിശ്ശയുടെ അനുജനുമാണ് വെണ്ണക്കോട് താമസിച്ചി രുന്ന കീടക്കാട്ട് അഹമദ്കുട്ടി (ജനനം 1874). കാളപൂട്ടു കമ്പക്കാരനും ചതുരംഗം കളിക്കാരനുമായിരുന്നു അദ്ദേഹം. അഹമദ് കുട്ടി കാളപൂട്ടിനു വേണ്ടി ധാരാളം ധനം വ്യയം ചെയ്തു. സ്വത്തുക്കൾ പലതും അന്യാധീനപ്പെട്ടു. പൗരപ്രമുഖനും വലിയ ഭൂവുടമയുമായിരുന്ന അഹമ്മദ്കുട്ടി പരോപകാരിയും ഉദാരമനസ്കനുമായിരുന്നു. ഉറ്റവർക്കും ഉടയവർക്കും വേണ്ടി ധനം ചെലവഴിക്കുന്നതിൽ അഹമ്മദ്കുട്ടി അശേഷം പിശുക്ക് കാണിച്ചില്ല. എണ്ണ ആട്ടുന്ന ചക്ക് ആദ്യമായി വെണ്ണേങ്കോട് സ്ഥാപിച്ചത് അദ്ദേഹമാണ്. കാളപൂട്ട്, ചതുരംഗം, ഫുട്ബോൾ, കോൽക്കളി എന്നിവയിൽ തൽപരനായിരുന്നു. ആശാരിക്കുന്ന്, തച്ചത്ത്പറമ്പ് എന്നീ സ്ഥലങ്ങളിൽ ഓത്തുപള്ളികൾ സ്ഥാപിച്ചു. ഭാര്യ കടക്കോട്ടിരി പരീക്കുട്ടി മകൾ ആയമ്മക്കുട്ടി, പാത്തൈ അഹമ്മദ് കുട്ടിയുടെ മക്കൾ കുഞ്ഞറമുട്ടി, ആയമ്മ, മമ്മദ്കുട്ടി, അലവിക്കുട്ടി എന്ന ബാവ, മൊ, കുഞ്ഞിപ്പാത്തുട്ടി, ഇത്തിക്കൂട്ടി ഉമ്മ ആസ്യ കുഞ്ഞറമുട്ടിയുടെ ഭാര്യ വാകേരി ഉയത്തിക്കുട്ടി, ആയമ്മയുടെ ഭർ ത്താവ് അലി, മമ്മദുകുട്ടിയുടെ ഭാര്യ ആനപ്ര കദീശുമ്മ വെണ്ണങ്കോട് കുഞ്ഞറമുട്ടിയുടെ മക്കൾ: അഹമ്മദ്കുട്ടി, അലവിക്കു ടി, വീരാൻകുട്ടി, ആയമ്മ, കുഞ്ഞാത്തു, ആമിനക്കുട്ടി മമ്മദ്കുട്ടിയുടെ മക്കൾ: അബൂബക്കർ, കുഞ്ഞാത്തു, ഹുസ്സയിൻ, പാത്തു, കുഞ്ഞിമുഹമ്മദ്, ആയിഷാബി. അലവിക്കുട്ടി എന്ന ബാവയുടെ ഭാര്യമാർ കദീസാബി പാറക്കണ്ടി, മണക്കടവൻ ആയമ്മ മക്കൾ ഇമ്പിച്ചിക്കോയ, ആമിന. മൊയ്തുവിന്റെ ഭാര്യ ഖദീജ. മക്കൾ: അഹമ്മദ്കുട്ടി, സുഹ്റ, റസിയ, സൈനബ, അബ്ദുൽ ലത്തീഫ്, സാഹിറ, സിദ്ധീഖ്, റജീന, ഹാജറ

കീടക്കാട്ട് കുടുംബത്തിൽ വളരെ പ്രസിദ്ധനായിരുന്ന കുഞ്ഞറമുട്ടി(വെള്ളാര)യുടെ മൂത്ത മകൻ ചേക്കുട്ടി വെള്ളാരതെക്കുവീട്ടിൽനിന്ന് തൊട്ടടുത്തുള്ള ചാക്കാലക്കണ്ടി എന്ന പറമ്പിലേക്ക് താമസം മാറ്റിയതോടെ ചാക്കാലക്കണ്ടി മേലെ തെക്കുവീട് ആവുകയും മേലെ തെക്കുവീട്ടിൽ ചേക്കുട്ടി എന്ന് അറിയപ്പെടുകയും ചെയ്തു. ചേക്കുട്ടിക്ക് മൂന്ന് ഭാര്യമാരിലായി എട്ട് മക്കളുണ്ടായിരുന്നു. ഒന്നാം ഭാര്യയിലുണ്ടായിരുന്ന കുഞ്ഞഹമ്മദ്, ഫരീതുമ്മ. രണ്ടാം ഭാര്യയിൽ കുഞ്ഞറമുട്ടി, ആയമക്കുട്ടി, ഫാത്തിമ. മൂന്നാം ഭാര്യയിൽ മമ്മദ്, കദീസക്കുട്ടി, മുഹമ്മദ്കുട്ടി. ഇതിൽ ഫരീതുമ്മയെ നെടിയിരുപ്പ് കോട്ട കുടുംബത്തിലേക്കും, ആയമ്മക്കുട്ടിയെ ചെർള (തറയിട്ടാൽ) കിണറ്റുംകണ്ടി തറവാട്ടിലേക്കും, ഫാത്തിമയെ പുല്ലുതൊടിക കുടുംബത്തിലേക്കും, കദീസക്കുട്ടിയെ അത്തിക്കാവിൽ കുടുംബത്തിലേക്കുമാണ് വിവാഹം ചെയ്തുകൊടുത്തത്. ആ കാലഘട്ടത്തിൽ മമ്പുറം തങ്ങന്മാരുമായി ചേക്കുട്ടിയുടെ പിതാമഹന്മാർ നിലനിർത്തി പോന്നിരുന്ന സൗഹാർദ്ദം ചേക്കുട്ടിയും തുടർന്നുപോന്നു. മമ്പുറം തങ്ങന്മാരുമായുള്ള അടുപ്പവും ബന്ധവും ചേക്കുട്ടിയെ ബ്രിട്ടീഷ് വിരോധിയാക്കി. സഹോദര പുത്രൻ കീടക്കാട്ട് മോനുദ്ദീൻ മുസ്ലിയാരുമൊന്നിച്ച് അദ്ദേഹം ഇസ്ലാമിക ദഅവാ പ്രവർത്തനങ്ങൾക്ക് നേതൃത്വം നൽകിയിരുന്നു. തിരൂരങ്ങാടി മുതൽ കൊണ്ടോട്ടി വരെയുള്ള ഉൾപ്രദേശങ്ങളിൽ ചേക്കുട്ടിയും സഹോദരപുത്രൻ മോനുദ്ദീൻ മുസ്ലിയാരും മതപ്രഭാഷണ വേദികൾ തന്നെ സംഘടിപ്പിക്കാറുണ്ടായിരുന്നു. അത്തരം വേദികളിൽ പ്രഭാഷകനെ കൂടാതെ സ്റ്റേജിൽ ചേക്കുട്ടി മാത്രമേ ഇരിക്കാറുണ്ടായിരുന്നുള്ളൂ. പഴയ ആധാര പ്രകാരം വൻ ഭൂസ്വത്തിന്റെ ഉടമയായിരുന്നു ചേക്കുട്ടി കരിപ്പൂർ പ്രദേശത്തെ ആദ്യത്തെ മാളികപ്പുര ചേക്കുട്ടി നിർമ്മിച്ച ഇരുനിലവീടായിരുന്നു. ദാരിദ്ര്യം നിറഞ്ഞുനിന്നിരുന്ന അക്കാലത്ത് മേലെ തെക്കുവീട് ഒരു അന്നദാന കേന്ദ്രമായിട്ടാണ് അറിയപ്പെട്ടിരുന്നത്. അനവധി വഴിയാത്രക്കാരും അഗതികളും അശരണരും അടക്കം അനേകം പേർ ഭക്ഷണം കഴിക്കാൻ ചേക്കുട്ടിയുടെ വീട്ടിൽ ഉണ്ടാകുമായിരുന്നു. സ്വന്തം കൃഷിയിടങ്ങളിൽ നിന്ന് കിട്ടുന്ന നെല്ലിനു പുറമെ മറ്റ് കൃഷിക്കാർ പാട്ടമായി നൽകുന്ന നെല്ല് ചേക്കുട്ടിക്ക് വരുമാനമായി കിട്ടിയിരുന്നു. കൃഷിക്കാവശ്യമായ സ്ഥലം ഉഴുതുമറിക്കുന്നതിനുള്ള ഊർച്ച കാളകളെ പോറ്റിയിരുന്നു. വൻഭൂസ്വത്തിന്റെയും സമ്പത്തിന്റെയും ഉടമയായിരുന്നെങ്കിലും പിൽക്കാലത്ത് അദ്ദേഹത്തിന്റെ മക്കൾക്ക് അത് വേണ്ടത്ര അനുഭവിക്കാനുള്ള ഭാഗ്യം ഉണ്ടായില്ല. ബ്രിട്ടീഷുകാരുടെ എതിരാളി എന്ന നിലയിൽ നികുതി പിരിക്കാൻ വന്ന ഉദ്യോഗസ്ഥൻ മോശമായി പെരുമാറിയപ്പോൾ അദ്ദേഹത്തെ മർദ്ദിക്കുകയും ഫയലുകൾ വാരിതോട്ടിലേക്ക് എറിയുകയും നികുതിയടക്കാൻ വിസമ്മതിക്കുകയും ചെയ്തതിന്റെ പേരിൽ ഭൂസ്വത്തുക്കൾ അന്യാധീനപ്പെട്ടു. എന്നാൽ ഇത് കൊണ്ടുണ്ടായ നഷ്ടം ചേക്കുട്ടിയുടെ ആൺമക്കളാണ് അനുഭവിക്കേണ്ടി വന്നത്. പെൺമക്കളെ നേരത്തെ ധനാഢ്യരുടെ തറവാടുകളിലേക്ക് വിവാഹം ചെയ്തയച്ചിരുന്നു. മലബാർ കലാപവും കുടുംബസ്വത്ത് അന്യാധീനപ്പെട്ടതും തൊഴിലില്ലായ്മയും കാരണം മക്കളായ കുഞ്ഞറമുട്ടി, മമ്മദ്, കുഞ്ഞഹമ്മദ് എന്നിവർ വയനാട്ടിലേക്ക് മാറിത്താമസിക്കേണ്ടി വന്നു. കീടക്കാട്ട് കുടുംബത്തിന്റെ വയനാട് ചരിത്രത്തിന് അത് തുടക്കമായി. (കരിപ്പൂർ അത്തിക്കാവിൽ മുഹമ്മദ് എന്ന ചെറിയാപ്പു ഹാജിയും, അറക്കൽ അബൂബക്കർ ഹാജിയുമായും 10.08.2018ന് ചേക്കു കരിപ്പൂർ നടത്തിയ അഭിമുഖം). കരിപ്പൂരിലെ തെക്ക് വീടും, മേലെ തെക്കുവീടും ഇന്നും കീടക്കാട്ട് കുടുംബത്തിന്റെ കൈവശം തന്നെയാണ്. ചേക്കുട്ടിയുടെയും അഹമ്മദിന്റെയും പിൻമുറക്കാർ അവിടെ താമസിക്കുന്നുണ്ട്. മലബാർ കലാപകാലത്ത് കെ.എം. മൗലവിയുടെ അജ്ഞാതവാസം തെക്കുവീട്ടിലും കരിപ്പൂരിലുള്ള ലാമൻചിറ പള്ളിയിലുമായിരുന്നു. അദ്ദേഹത്തിന് ഭക്ഷണവും സംരക്ഷണവും നൽകിയിരുന്നത് പ്രശസ്ത ചരിത്രകാരൻ കെ.കെ. മുഹമ്മദ് അബ്ദുൽ കരീമിന്റെ പിതാവും, അദ്ദേഹത്തിന്റെ സഹോദരൻ മോനുദ്ദീൻ മുസ്ലിയാരും, ചേക്കുട്ടിയുടെ പിതാവ് കുഞ്ഞറമുട്ടിയുമായിരുന്നു. (കെ.എം. മൗലവി ജീവചരിത്രം, കോഴിക്കോട് പുറം 85). കുഞ്ഞറമുട്ടിയും ചേക്കുട്ടിയും എന്നപേര് തലമുറകളായി കീടക്കാട്ട് കുടുംബത്തിൽ നിലനിൽക്കുന്നു.

തെക്ക് വീട്ടിൽ കുഞ്ഞറമുട്ടിയുടെ രണ്ടാമത്തെ മകനായ അഹമ്മദ് ഹാജി 1907ൽ ഹജ്ജിനായി പുറപ്പെട്ടു. പിതൃവ്യപുത്രനായ പ്രശസ്ത സൂഫിവര്യൻ ഉണ്ണിപ്പോക്കർ ഹാജിയെയും കൂടെക്കൂട്ടിയിരുന്നു. ഹജ്ജും മദീനയാത്രയും കഴിഞ്ഞ് തിരിച്ചുവരുമ്പോൾ ജിറാനത്ത് എന്ന സ്ഥലത്ത് വച്ച് അഹമ്മദ് ഹാജി മരണപ്പെട്ടു. മയ്യിത്ത് മക്കയിൽ ഖബറടക്കി. അഹമ്മദ് ഹാജി വൻ ഭൂസ്വത്തിനുടമയായിരുന്നു. കരിപ്പൂർ (വെള്ളാര), കൊളത്തൂർ, കുമ്മിണിപ്പാറ, കണ്ണംകോട്ടുപാറ തുടങ്ങിയ വിശാലമായി പരന്ന് കിടക്കുന്ന സ്ഥലങ്ങളിൽ നല്ലൊരു ഭാഗവും അഹമ്മദ് ഹാജിയുടെ സ്വത്തുക്കളായിരുന്നു. പാലിശ്ശേരി, കുറ്റിയാട, ഒടിയിൽകണ്ടം, പുളിയംതടം, തൊട്ടി എന്ന പുളിയംതടം, പുളിയത്ത്കണ്ടി എന്ന് പറയുന്ന പുളിയംതടത്തിൽ, ഉണ്ണിയാലക്കൽ ഊഴപറമ്പ്, പൊട്ടം കാട്പറമ്പ്, പള്ളിയാളി, കുമ്മിണിപ്പാറ ഊഴപ്പറമ്പ്, തെഞ്ചീരി, പുതുക്കുടി, എടക്കുത്ത്, വളപ്പിൽ, തേക്കുംകാട്, തെക്കെവളപ്പ് പറമ്പ് തുടങ്ങിയ ഭൂമികൾ അഹമ്മദ് ഹാജിയുടെ കൈവശമായിരുന്നു (ഫയൽ നമ്പർ 387, 303/1909, 402, 405, 48, 127/1909. കൊണ്ടോട്ടി സ.റ 1899 റജി.നമ്പർ 182/1899 ജനുവരി 30). അഹമ്മദ് ഹാജിക്ക് ഒൻപത് മക്കളുണ്ടായിരുന്നു. കുഞ്ഞറമുട്ടി, ഹൈദ്രോസ്, കുഞ്ഞഹമ്മദ്കുട്ടി ഹാജി, അബ്ദുറഹിമാൻകുട്ടി, ബീരാൻകുട്ടി, അബൂബക്കർകുട്ടി, പാത്തുമ്മകുട്ടി, കുഞ്ഞിപ്പാത്തുമ്മ, പാത്തുമുണ്ണി എന്നിവരാണവർ.

അഹമ്മദ് ഹാജിയുടെ മൂത്ത മകനായ കുഞ്ഞറമുട്ടി നാട്ടുകാരണവരായിരുന്നു. ഇദ്ദേഹം എടക്കുത്തായിരുന്നു താമസം. പിതാവിന്റെ പാത പിന്തുടർന്ന് പ്രൗഢിയോടെ ജീവിച്ചിരുന്ന അദ്ദേഹത്തിന്റെ ചെരുപ്പും വെള്ളി കെട്ടിയ വടിയും കൗതുകമായിരുന്നു. കൊണ്ടോട്ടി ഇശ്തിയാഖ് ശാഹ് തങ്ങളുടെ കാര്യദർശിയായിരുന്ന കുഞ്ഞറമുട്ടി ആകാരവടിവുള്ള ശരീരപ്രകൃതിക്കാരനായിരുന്നു. ധൈര്യശാലിയായ അദ്ദേഹം എല്ലാവരോടും സ്നേഹത്തോടെ പെരുമാറുമായിരുന്നു. മക്കൾ: അയമുദു കുറിയേടം, മുഹമ്മദ് എടക്കുത്ത്, അലവി മാനു, അദ്ദേഹത്തിന്റെ കുടുംബം എടക്കരയിൽ താമസം, ബിച്ചിപ്പാത്തു (ഭർത്താവ് താഴത്തെ പള്ളിയാളി പോക്കർ), ബീവാത്തുമ്മ (ഭർത്താവ് ഹസ്സൻകുട്ടി പൂന്തല, മൊറയൂർ), പാത്തുമ്മുണ്ണി (ഭർത്താവ് കുടുക്കിൽ പെരുമ്പിലാ വിൽ കുഞ്ഞഹമ്മദ്), പാത്തുമ്മു (ഭർത്താവ്: കോപ്പിലാൻ ആലി, കൊളത്തൂർ). ഫാത്തിമക്കുട്ടി (ഭർത്താവ് കീടക്കാട്ട് കാവുങ്ങൽ കണ്ടിയിൽ ബീരാൻകുട്ടി മുസ്ലിയാർ). അഹമ്മദിന്റെ രണ്ടാമത്തെ മകനാണ് ഹൈദ്രോസ് കരിപ്പൂർ. വളപ്പിൽ താമസം. ഇദ്ദേഹവും നാട്ടുകാരണവരായിരുന്നു. ഭാര്യ: കോപ്പിലാൻ ചെനെപ്പുറത്ത് കദിയക്കുട്ടി. വെള്ളാര് പ്രദേശത്തെ ഒട്ടുമിക്ക കൃഷിയിടങ്ങളും ഹൈദൂസിന്റെ കൈവശമായിരുന്നു. കൃഷിയിൽ അതീവ താൽപര്യം കാണിച്ചിരുന്നു. ഓരോ വർഷവും വിളവെടുക്കുമ്പോൾ ആവശ്യങ്ങൾ കഴിഞ്ഞുള്ള നെല്ല് മറ്റുള്ളവർക്ക് എത്തിച്ചു കൊടുക്കുമായിരുന്നു. മക്കൾ: മൂസക്കുട്ടി വയനാട്, മുഹമ്മദ്കുട്ടി വളപ്പിൽ, അഹമ്മദ്, അബൂബക്കർ, കുഞ്ഞാച്ചുട്ടി, പാത്തുമ്മു, പാത്തുമ്മുണ്ണി. അഹമ്മദ് ഹാജിയുടെ മൂന്നാമത്തെ മകനാണ് കുഞ്ഞഹമ്മദ്കുട്ടി ഹാജി. കരിപ്പൂർ തെക്കുവീട്ടിൽ താമസം: നാട്ടിലെ കാരണവരും പൊതുകാര്യ പ്രസക്തനുമായിരുന്നു. മക്കളില്ല. നാലാമത്തെ മകനായ അബ്ദുറഹി മാൻകുട്ടി പള്ളിക്കരയിലാണ് താമസിച്ചിരുന്നത്. മക്കൾ - അഹമ്മദ് ഹാജി പള്ളിക്കര. പാത്തുമ്മു (കുമ്മിണിപറമ്പ്), പാത്തുമ്മക്കുട്ടി (പരുത്തിക്കോട്), പാത്തുമുണ്ണി (കൊണ്ടോട്ടി കുട്ടൻ കാവിൽ) അഹമ്മദാജിയുടെ അഞ്ചാമത്തെ മകനായ ബീരാൻകുട്ടി കരിപ്പൂർ കൊടമ്പാട്ട്കുഴിയിൽ താമസം: മക്കൾ അയമുദു, വീരാൻ, മുഹമ്മദ്കുട്ടി. അഹമ്മദാജിയുടെ ഇളയപുത്രനായ അബൂബക്കർകുട്ടി, കരിപ്പൂർ തേക്കുംകാട്ടിൽ താമസം: മക്കൾ-അഹമ്മദ് ഹാജി, അബ്ദുറഹിമാൻ, അബ്ദുൽ അസീസ്, പാത്തുമ്മ, നബീസ, ചുത്ത, പാത്തുമ്മുണ്ണി, മറിയം എന്നിവർ. അഹമ്മദ് ഹാജിയുടെ മകളായ കു ഞ്ഞിപ്പാത്തുട്ടിയുടെ ഭർത്താവ് നാടകശ്ശേരി മൊയ്തീൻകുട്ടി ചേലേമ്പ് അഹമ്മദ് ഹാജിയുടെ രണ്ടാമത്തെ മകളായ ആച്ചുട്ടിയെ വലിയപറമ്പ്കുടുക്കിൽ കുടുംബത്തിലേക്ക് വിവാഹം ചെയ്തു. അഹമ്മദ് ഹാജിയുടെ ഇളയമകളായ പാത്തുമുണ്ണിയെ ചെനുവിലെ കഴുങ്ങും തോട്ടത്തിൽ പ്രഭുഹാജിയാണ് വിവാഹം ചെയ്തത്. ഇദ്ദേഹം സ്വാതന്ത്ര്യസമരസേനാനിയായിരുന്നു. 1921ലെ സ്വാതന്ത്ര്യസമരത്തിൽ പങ്കെടുത്ത് 14 കൊല്ലം ജയിൽ ശിക്ഷ അനുഭവിച്ചു. മരണംവരെ പെൻഷൻ കിട്ടിയിരിന്നു. ചേക്കുട്ടി മകൻ കുഞ്ഞറമുട്ടിയുടെ മൂന്നാമത്തെ മകൻ അബ്ദുറഹിമാൻ കുട്ടി വയനാട് കണിയാമ്പറ്റയിലായിരുന്നു താമസിച്ചിരുന്നത്. കരിപ്പൂർ തെക്കുവീട്ടിൽ നിന്നും മാറിയതിന് ശേഷം 1924ൽ ആധാരം പുതുക്കുടി എന്ന് വിളിക്കുന്ന പന്തപ്പിലാവിൽ (ആഞ്ചിറക്കൽ പളളിക്കടുത്ത്) താമസമാക്കി. ഇവിടെ നിന്നുമാണ് വയനാട്ടിലേക്ക് താമസം മാറിയത്. മകൾ കുഞ്ഞിപ്പാത്തുമ്മയെ വയനാട്ടിലേക്ക് വിവാഹം കഴിച്ചതാണ് അങ്ങോട്ട് പോവാൻ പ്രേരണയായത്. മക്കൾ: കുഞ്ഞറമുട്ടി. (കൊണ്ടോട്ടി തങ്ങളുടെ കാര്യദർശിയായിരുന്നു), മായിൻകുട്ടി കരിപ്പൂർ, മുഹമ്മദ്, അബൂബക്കർ, സൈതലവി, റാബിയ കമ്പളക്കാട്, ഇണ്ണിപ്പാത്തു (പുതുക്കുടി വീരാൻകുട്ടി മൊല്ല വിവാഹം കഴിച്ചു), ആയിശക്കുട്ടി (കോയാമു ഹാജി വയനാട് വിവാഹം കഴിച്ചു), പള്ളിക്കുട്ടി വയനാട്. കുഞ്ഞറമുട്ടി മകൻ അബ്ദുറഹിമാൻ കുട്ടിയുടെ രണ്ടാമത്തെ മകനാണ് കരിപ്പൂർ (വെള്ളാര്) മക്കക്കാട്ടിൽ താമസിക്കുന്ന മായിൻകുട്ടി, ചായക്കച്ചവടം നടത്തി ഉപജീവനം തേടിയിരുന്ന അദ്ദേഹം വലിയ ഉദാരമനസ്കനായിരുന്നു. മക്കൾ: അബ്ദു റഹിമാൻ (ചെയർമാൻ, കീടക്കാട്ട് കുടുംബട്രസ്റ്റ്), കമ്മത്കുട്ടി, കുഞ്ഞറമുട്ടി, കദീശക്കുട്ടി (കൊളത്തൂർ), ആമിനക്കുട്ടി (മലപ്പുറം), കുഞ്ഞിമുഹമ്മദ്.

കീടക്കാട്ട് പുത്തൻപീടിക തറവാട്ടിൽ നിന്നും കരിപ്പൂർ (വെള്ളാര്) തെക്കുവീട്ടിലേക്ക് താമസം മാറ്റിയ അഹമ്മദിന്റെ മകൻ ബീരാൻ തെക്കുവീട്ടിൽ നിന്നും കൊളത്തൂരിലെ പാലക്കോട്ട് പറമ്പിൽ താമസമാക്കി. അതുകൊണ്ട് കുടുംബപേര് കീടക്കാട്ട് പാലക്കോട്ട് എന്നായി മാറി. ബീരാന്റെ മകൻ അബ്ദുറഹിമാൻകുട്ടി മൊല്ലയുടെ മൂന്നാമത്തെ മകനായ അഹമ്മദ് മൊല്ല കൊളത്തൂരിൽ പാലക്കോട്ട് പറമ്പിൽ താമസിച്ചു. മക്കൾ മുഹമ്മദ് മൊല്ല (ഭാര്യ ബീഫാത്തിമ കോപ്ലക്കാട്ട്, ചേമ്പ്), ബിയ്യക്കുട്ടി.

വെള്ളാര തെക്കുവീട്ടിലേക്ക് താമസം മാറ്റിയ അഹമ്മദിന്റെ മകൻ ബീരാന്റെ മകനും അബ്ദുറഹിമാൻ കുട്ടി മൊല്ലയുടെ സഹോദരനുമാണ്. പ്രമുഖ പണ്ഡിതനും ഗ്രന്ഥകാരനുമായിരുന്നു. മൗലീദ് ഫീ മനാഖിബി അസ്സയിദ് അലവി അൽ മമ്പുറമി (മമ്പുറം മൗലിദ്), നാഗൂർ മൗലിദ്, ജമലുല്ലൈലി മൗലിദ്, സൂറത്ത് അർറഹ്മാൻ പരിഭാഷ തുടങ്ങിയ കൃതികളുടെ കർത്താവും 18 പള്ളികളുടെ മേൽഖാളിയുമായിരുന്നു. കൊണ്ടോട്ടി ഖുബ്ബക്കടുത്ത് അന്ത്യവിശ്രമം. (നെല്ലിക്കുത്ത് മുഹമ്മദലി മുസ്ലിയാർ, അപ്രകാശിത ചരിത്രകൃതി)

കീടക്കാട്ട് ആലിക്കുട്ടി മുസ്ലിയാരുടെ മക്കളിലൊരാളായ അഹ്മദ്കുട്ടി മുസ്ലിയാർ കാവനൂരിലേക്ക് താമസം മാറ്റി. കാവനൂരിലെ കീടക്കാട്ട് കുടുംബങ്ങൾ ഈ ശാഖയിൽ നിന്നും വന്നവരാണ്. മക്കൾ: അഹമ്മദ്കുട്ടി മുസ്ലിയാർ, അബ്ദുൽ അസീസ് മുസ്ലിയാർ നെല്ലിയമ്പം, വീരാൻകുട്ടി മൊല്ല, സൈതലവി, പാത്തോമ, ആല്യാത്തു. അഹമ്മദ്കുട്ടി മുസ്ലിയാർ ഭാര്യമാർ: ആമിന കാവനൂർ, ഖദീജ കാവനൂർ. മക്കൾ: ആലിക്കുട്ടി മുസ്ലിയാർ കാവനൂർ. 45 വർഷത്തോളം കാവനൂർ പള്ളിയിൽ ഖാളിയും ഖത്തീബുമായിരുന്നു. ആരാലും ആദരിക്കപ്പെടുന്ന വലിയ പണ്ഡിതനായിരുന്നു. പാത്തുമ്മ. (ഭർത്താവ് കാവനൂർ മൊയ്തീൻകുട്ടി മുസ്ലിയാർ.) അഹമ്മദ്കുട്ടി മുസ്ലിയാർ സഹോദരൻ ബീരാൻകുട്ടി മൊല്ല മക്കൾ: പാത്തുമ്മുണ്ണി. (ഭർത്താവ് കീടക്കാട് അബ്ദുറഹിമാൻകുട്ടി കുട്ടീരി), ആച്ചൂട്ടി (ഓട പോക്കർ കാഞ്ഞിരത്തിങ്ങൽ), ആയിഷ മുഴങ്ങല്ലൂർ (ചായിച്ചാട്ടിൽ കുഞ്ഞാലി) അഹമ്മദ് മകൻ ബീരാൻ മകൾ പാത്ത്വാമ (വിവാഹം കീടക്കാട്ട് കുഞ്ഞഹമ്മദ്കുട്ടി). ഉണ്ണിപ്പോക്കർ ഹാജിയുടെ അമ്മായിയായിരുന്നു കുഞ്ഞഹമ്മദ്കുട്ടിയുടെ ഭാര്യ പാത്തോമ്മ.

കുഞ്ഞിമൊയ്തീൻകുട്ടി മുസ്ലിയാർ: 1944 കോഴിക്കോട് നടക്കാവിൽ താമസമാക്കി. 1956ൽ മരണപ്പെട്ടു. കീടക്കാട്ട് അഹമ്മദ് മുസ്ലിയാരുടെ മൂത്ത മകൾ ഫാത്തിമയാണ് ഭാര്യ. 1944 മുതൽ 1956 വരെ നടക്കാവ് ജുമുഅത്ത് പള്ളി ഖത്തീബും ഖാളിയുമായി സേനവമനുഷ്ഠിച്ചു. മക്കൾ മുഹമ്മദ് കുട്ടിമുസ്ലിയാർ, ആമിന, അബ്ദുറഹ്മാൻ, അബൂബക്കർ, ബിച്ചിഫാത്തിമ. അബ്ദുറഹിമാൻകുട്ടി: കൊട്ടപ്പുറത്ത് താമസം. അലവിക്കുട്ടി മുസ്ലിയാർ നടക്കാവിൽ സ്ഥിര താമസം. 1956 ജ്യേഷ്ഠൻ കുഞ്ഞിമൊയ്തീൻകുട്ടി മുസ്ലിയാരുടെ മരണശേഷം നടക്കാവ് പള്ളിയിലും ടൗണിലും 39 കൊല്ലത്തോളം ഖത്തീബായി സേവനം ചെയ്തു. 1999ൽ മരണമടഞ്ഞു. മുഹമ്മദ്കുട്ടി മൊല്ല. കൊളത്തൂർ മഞ്ചക്കാട് പള്ളിയിൽ മുഅദ്ദിനും മദ്രസാധ്യാപകനുമായി ദീർഘകാലം സേവനം ചെയ്തു. പ്രദേശത്തെ മുഴുവൻ ആളുകളും ഇഷ്ടപ്പെടുകയും ബഹുമാനിക്കപ്പെടുകയും ചെയ്യുന്ന വ്യക്തിത്വത്തിന്റെ ഉടമയായിരുന്നു. 1999ൽ മരണമടഞ്ഞു. പാത്തുമ്മക്കുട്ടി ആൽപറമ്പ് എരഞ്ഞിപ്പുറായി, പാത്തുമ്മുണ്ണി കൊളത്തൂർ പുതുക്കുടി, ആയിശക്കുട്ടി കുമ്മിണിപ്പറമ്പ് എന്നിവർ സഹോദരിമാരാണ്.

ചോരുപ്പെട്ടി ശാഖയിൽ പെട്ട അബ്ദുറഹിമാൻകുട്ടി മൊല്ല മകൻ രായിൻ മൊല്ല മക്കൾ: കൊലന്റെകണ്ടിയിൽ താമസമാക്കി മക്കൾ: വീരാൻകുട്ടി, ഉണ്ണീൻകുട്ടി, മൊയ്തീൻകുട്ടി മൊല്ല, അബ്ദുറഹിമാൻ കൊലൻകണ്ടി വീരാൻകുട്ടി മക്കൾ: വീരാൻ, ചേക്കു പാത്തുമ്മ, മുഹമ്മദ് ഉണ്ണീൻകുട്ടി മക്കൾ: രായിൻകുട്ടി, ഹസ്സൻ മുഹമ്മദ്, ഉണ്ണീമക്കുട്ടി, മമ്മീര്യക്കുട്ടി. രായിൻകുട്ടി മക്കൾ: ഉണ്ണീൻകുട്ടി, പാത്തുമ്മക്കുട്ടി, അസൈനാർ. ഉണ്ണീൻകുട്ടി മകൻ: ആലിക്കുട്ടി ഫറോക്ക്. അസൈനാർ മക്കൾ: ഫാത്തിമക്കുട്ടി, ആമിനക്കുട്ടി, പാത്തോമക്കുട്ടി, മുഹമ്മദ്, എടക്കര, അബ്ദുൽ കരീം നല്ലളം. ഹസ്സൻ മുഹമ്മദ് മക്കൾ: മുഹമ്മദ്കുട്ടി കൊലൻകരണ്ടി, ഇത്തീമക്കുട്ടി, ഉണ്ണീൻകുട്ടി, ഖദിയ. അബ്ദുറഹിമാൻ കൊലൻകണ്ടി മക്കൾ: പാത്തുമ്മ, രായിൻ മമ്മദ്, അലവി, കുഞ്ഞിപ്പാത്തു (കുഴിപാടത്ത് ബിച്ചമ്മത് ഫറോക്ക്). രായിൻ മമ്മദ് മക്കൾ: പാത്തുമ്മു, ബിച്ചു, ആമി. അലവി മക്കൾ: മമ്മദ്കുട്ടി, ഹസ്സൻ കച്ചവടം, അബ്ദുറഹിമാൻ. ആദ്യഭാര്യയുടെ മരണശേഷം രണ്ടാം ഭാര്യയിലെ മക്കൾ: ആയിശീവി, മുഹമ്മദ്കുട്ടി, അബൂബക്കർ, സുബൈദ, ഹംസക്കോയ, ലത്തീഫ്.

ചോരുപ്പെട്ടി കൊളത്തൂർ അബ്ദുറഹിമാൻകുട്ടി മകൻ രായിൻമൊല്ല മകൻ മൊയ്തീൻകുട്ടി മൊല്ലയുടെ മക്കളാണ് ചോരുപ്പെട്ടിയിൽ താമസമാക്കിയത്. ദീനീഭക്തനായിരുന്നു മൊയ്തീൻ കുട്ടി മൊല്ല. മുസ്ലിം വിശേഷ ദിവസങ്ങളിൽ കുടുംബ വീടുകളിൽ പ്രത്യേകം സന്ദർശനം നടത്തിയിരുന്നു. മക്കൾ: കുഞ്ഞഹമ്മദ്, അഹമ്മദ്കുട്ടി മൊല്ല, അബ്ദുറഹിമാൻ കുട്ടി, ഉണ്ണീമക്കുട്ടി, ഇത്തീമക്കുട്ടി. കുഞ്ഞഹമ്മദ് മക്കൾ: മൊയ്തീൻകുട്ടി മൊല്ല, മുഹമ്മദ്കുട്ടി മുസ്ലിയാർ, സൈതലവി മുസ്ലിയാർ, ആയിശ (മൊയ്തീൻകുട്ടി മുസ്ലിയാർ നെല്ലിയമ്പം), പാത്തുമ്മക്കുട്ടി (കൊണ്ടോട്ടി പാറക്കുന്നൻ മമ്മദ്കുട്ടി). മൊയ്തീൻകുട്ടി മൊല്ല തറയിട്ടാലിൽ താമസം. മൊയ്തീൻകുട്ടിയുടെ മൊല്ലയുടെ മകളായ ഖദീജയുടെ ഭർത്താവാണ് പ്രമുഖ സുന്നി നേതാവും മതപണ്ഡിതനും ഒതുക്കുങ്ങൽ ഇഹ്യാഉസ്സുന്ന അറബിക് കോളേജ് പ്രിൻസിപ്പളും സമസ്ത സുന്നി ജംഇയ്യത്തുൽ ഉലമ പ്രസിഡണ്ടുമായ ഇ.സുലൈമാൻ മുസ്ലിയാർ. അഹമ്മദ്കുട്ടി മൊല്ല മക്കൾ: മുഹമ്മദ്കുട്ടി ഹാജി വാഴങ്ങാട്ട്, ഹസ്സൻ വഴിക്കടവ്, ഉമ്മാച്ചക്കുട്ടി വയനാട്, കുഞ്ഞാത്തു, പാത്തോമക്കുട്ടി വഴിക്കടവ്, അബ്ദുറഹിമാൻകുട്ടി മൊല്ല മക്കൾ: മൊയ്തീൻകുട്ടി ചപ്പങ്ങത്തൊടു, ഹസ്സൻ ചപ്പങ്ങത്തോടു, പാത്തുമ്മക്കുട്ടി, ഖദീസുമ്മ. അത്തൻ മമ്മദ്. കളത്തുംകണ്ടി കീടക്കാട്ട് തെക്കുവീട്ടിൽ കുഞ്ഞറമുട്ടി മകൻ അഹമ്മദിന്റെ മകനായ അബ്ദു റഹിമാൻകുട്ടി കൊളത്തൂർ കുട്ടിച്ചീരി പറമ്പിലേക്ക് മാറി താമസിച്ചു. കുട്ടിച്ച് രിപറ്പ് രക്തബന്ധുവായ കീടക്കാട്ട് പുത്തൻപീടികക്കൽ കുഞ്ഞറമുട്ടി അദ്ദേഹത്തിന് താമസിക്കാൻ നൽകി. അബ്ദുറഹിമാൻകുട്ടിയുടെ മക്കളായ മൊയ്തീൻകുട്ടി കാവുങ്ങലക്കണ്ടി പറമ്പി ലും, ബീരാൻകുട്ടി കളത്തും കണ്ടി പറമ്പി ലും, മൊയ്തീൻ അമാഞ്ചീരിയിലേക്കും താമസം മാറ്റി. മൊയ്തീന്റെ മകനാണ് കുഞ്ഞമ്മദ് കുട്ടി. അദ്ദേഹത്തിന്റെ മക്കൾ മുഹമ്മദ്, മൊയ്തീൻ. അബ്ദുറഹ്മാൻ കുട്ടി മകൻ കാവുങ്ങൽകണ്ടി മൊയ്തീൻകുട്ടിയുടെ സഹോദരനായ ബീരാൻകുട്ടി കളത്തിങ്ങൽ കണ്ടിയിൽ താമസിച്ചു. മക്കൾ: അലവിക്കുട്ടി (അപ്പിക്കുന്ന്), ഏനുദ്ദീൻ കുട്ടി കുട്ടിച്ചീരി, അബ്ദുറഹ്മാൻകുട്ടി എന്ന ഇമ്പിച്ചി (കുട്ടിച്ചീരി), കുട്ട്യാലി (പുലിയേടത്ത് പറമ്പ്), ബിയ്യാത്തുട്ടി, ഇത്തിക്കുട്ടി ഉമ്മ, കദീശുമ്മ, പാത്തുമ്മക്കുട്ടി. അലവിക്കുട്ടി മക്കൾ: വീരാൻകുട്ടി, സൈതുമുഹമ്മദ്, മുഹമ്മദ് അബ്ദുറഹിമാൻ, മുഹമ്മദ്കുട്ടി, സൈനുദ്ദീൻ, മുഹമ്മദാലി, ഫാത്തിമക്കുട്ടി, മറിയക്കുട്ടി എന്നീ മക്കളാണ് ഉള്ളത്. ഏനുദ്ദീൻകുട്ടി മക്കൾ: പാത്തുമ്മ (ഭർത്താവ്: പള്ളിപ്പറമ്പൻ മുഹമ്മദ്കുട്ടി), കുട്ട്യസ്സൻ കരിപ്പൂർ, മറിയക്കുട്ടി (ഭർത്താവ്: കീടക്കാട്ട് അബ്ദുറഹിമാൻകുട്ടി വയനാട്). അബ്ദുറഹിമാൻകുട്ടി (ഇമ്പിച്ചി) മക്കൾ: ഖദീസുമ്മ (ഭർത്താവ്: കോന്തേടൻ അവലൻകുട്ടി തലേക്കര), ബിയ്യാത്തുട്ടി (ഭർത്താവ്: വടക്കേങ്ങര പോക്കർ മമ്മദ് കൊളത്തൂർ), മുഹമ്മദ്കുട്ടി എന്ന ബാപ്പുട്ടി, മറിയക്കുട്ടി (ഭർത്താവ്: വയക്കാത്ത് മൊയ്തീൻകുട്ടി പുത്തൂർ), ബീരാൻ, കളത്തിങ്ങൽക്കണ്ടി വീരാൻകുട്ടിയുടെ പെൺമക്കളായിരുന്നു ബിയ്യാത്തുട്ടി കൊണ്ടോട്ടി വേട്ടശ്ശേരി ആനപ്ര കുടുംബത്തിലേക്ക് വിവാഹം കഴിച്ചു, ഇത്തിക്കുട്ടി ഉമ്മ (കുന്നേക്കാടൻ ഹസ്സൻകുട്ടി ഹാജി യുടെയും ബീരാൻകുട്ടി ഹാജിയുടെയും മാതാവ്), കദീശുമ്മ (ഭർത്താവ് - മനയി ക്കോട്ട് മമ്മദ്കോയ), പാത്തോമ്മക്കുട്ടി ഭർത്താവ് - പറമ്പാട്ട് പള്ളിയാളി ആലി

പുത്തൂർ പെരിഞ്ചീരിയിൽ താമസമാക്കിയ അഹമ്മദ്കുട്ടി ഹാജി കരിപ്പൂർ/ കൊളത്തൂരിൽ നിന്നും പെരിഞ്ചീരിലേക്ക് താമസം മാറ്റിയവരാണ്. തേങ്ങാക്കച്ചവടവും പലചരക്ക് കച്ചവടവുമായി അവിടെ ബിസിനസിൽ ഏർപ്പെട്ടു. മക്കൾ: മുഹമ്മദ്, മമ്മദ്കുട്ടി. മുഹമ്മദിന് മക്കളില്ല. മമ്മദ്കുട്ടി മക്കൾ അഹമ്മദ്, ഖാലിദ്.

കളത്തുംകണ്ടി അബ്ദുറഹിമാൻ കുട്ടിയുടെ മൂന്നാമത്തെ മകൻ മമ്മദ്കുട്ടിയുടെ മകൻ മമ്മുട്ടിയുടെ ആദ്യഭാര്യയിലുള്ള മക്കളായ മുഹമ്മദ്കുട്ടി, മൊയ്തീൻകുട്ടി എന്നിവർ ഏകദേശം 80 വർഷങ്ങൾക്ക് മുമ്പ് കരുളായിയിൽ താമസമാക്കി. മറ്റൊരു മകനായ അബ്ദുറഹിമാൻ കുട്ടി വയനാട്ടിലെ കരണിയിലും താമസമാക്കി. 1971-ൽ പുലിയോടത്ത് പറമ്പിൽ താമസിച്ചിരുന്ന കുട്ട്യാലി മകൻ ബീരാൻ കരുളായിയിൽ താമസമാക്കി. അദ്ദേഹത്തിന്റെ പിതാവും കുടുംബവും 1972-ൽ കരുളായിയിൽ സ്ഥിരതാമസമാക്കി. മമ്മുട്ടിയുടെ ആദ്യ ഭാര്യയുടെ മരണശേഷം അദ്ദേഹം വീണ്ടും വിവാഹം കഴിച്ചു. ആ ബന്ധത്തിലുള്ള മകൻ വീരാനും കരുളായിയിലെത്തി സ്ഥിരതാമസമാക്കി. അങ്ങനെ കീടക്കാട്ട് കുടുംബം കരുളായിയിലും വ്യാപിച്ചു. കുട്ട്യാലി മക്കൾ: മറിയക്കുട്ടി (ആല്‍പറമ്പ് എരഞ്ഞിപുറയിൽ ഉണ്ണീൻകുട്ടി), ഇത്തൈമ (വലിയപറമ്പ് തെക്കൻ മുഹമ്മദ്കുട്ടി), 3. കദീസുമ്മ (കടുങ്ങല്ലൂർ), ആമിന പാലേങ്ങര, ബീരാൻ കടുങ്ങല്ലൂർ വെളേളരി, മുഹമ്മദ് കരുളായി, അലവിക്കുട്ടി കരുളായി, ഹസ്സൻ കരുളായി, നബീസ (കരുളായി ചെട്ടിയിൽ അലവുണ്ണി). മമ്മുട്ടി മക്കൾ: മുഹമ്മദ്കുട്ടി കരുളായി, മൊയ്തീൻകുട്ടി കരുളായി, അബ്ദുറഹിമാൻകുട്ടി കരണി വയനാട്, കുഞ്ഞലവി കരിപ്പൂർ, ബീരാൻ കരുളായി, അയമുദു കൊളത്തൂർ, പാത്തുമ്മ കൊളത്തൂർ.

മേൽമുറി, കോണംപാറ, അധികാര ത്തൊടി, പെരുമ്പറമ്പ് എന്നീ സ്ഥലങ്ങളിൽ കീടക്കാട്ട് കുടുംബം ഏത് കാലത്ത് താമസമാക്കിയെന്ന് വ്യക്തമായി രേഖപ്പെടുത്താൻ കഴിയില്ല. മലബാർ കലാപകാലത്ത് മേൽമുറി കൂട്ടക്കൊലയിലെ രക്തസാക്ഷി മൊയ്തീന്റെ പിതാവ് ഏകദേശം ഒന്നര നൂറ്റാണ്ട് മുമ്പ് കൊണ്ടോട്ടിയിൽ നിന്നും അധികാരത്തൊടി എന്ന സ്ഥലത്ത് താമസമാക്കി. അദ്ദേഹത്തിന്റെ സന്താന പരമ്പരയിൽ പെട്ട കുടുംബങ്ങളാണ് ഈ പ്രദേശത്ത് താമസിച്ചു വരുന്നത്. മൊയ്തീന്റെ മകൻ മമ്മദിന്റെ മകൾ ഫാത്തിമ വല്ലുപ്പയോടൊപ്പം ബ്രിട്ടീഷ് പട്ടാളത്തിന്റെ വെടിയേറ്റ് രക്തസാക്ഷിയായി.

അറിയപ്പെട്ടിടത്തോളം, വയനാട്ടിലേക്കു കുടിയേറിയ ആദ്യ കീടക്കാട് കുടുംബാംഗം, കരിപ്പൂരിലെ അബ്ദുറഹിമാന്‍റെ മകന്‍ അബൂബക്കറാണ്. ഇന്നത്തെ ജില്ലാആസ്ഥാനമായ കല്പറ്റയില്‍നിന്നും 14 കി. മീ. അകലെ കണിയാമ്പറ്റയിലാണ് അദ്ദേഹം താമസിച്ചിരുന്നത്. അദ്ദേഹത്തിന്‍റെ മക്കളുടെയും, അടുത്ത ബന്ധുക്കളുടേതുമായി ഇരുപത്തിയഞ്ചോളം വീടുകള്‍ ഇന്നും കണിയാമ്പറ്റയിലും, പരിസരപ്രദേശങ്ങളിലുമായി കാണാം. അബൂബക്കറിന് വയനാടന്‍ യാത്രയ്ക്ക് പ്രേരകമായത്, കണിയാമ്പറ്റയിലെ കൊളക്കാടന്‍ കോയാമു ഹാജിയുമായുള്ള സൗഹൃദമാണ്. കൊണ്ടോട്ടിയില്‍ നിന്നും വയനാട്ടിലെത്തി അവിടെ സ്ഥിരതാമസമാക്കിയിരുന്ന കോയാമുഹാജി കീടക്കാട് കുടുംബ ത്തില്‍നിന്നാണ് വിവാഹം ചെയ്തിരുന്നത്. (ഈ അര്‍ത്ഥത്തില്‍ കീടക്കാട്ട് കുടുംബ ത്തില്‍നിന്നും ഒരു വനിതയാണ് വയനാട്ടില്‍ ആദ്യമെത്തിയത് എന്നു പറയുന്നതില്‍ തെറ്റില്ല.) കോയാമുഹാജിയുടെ ക്ഷണപ്രകാരം, അന്നു പതിമൂന്ന് വയസ്സുമാത്രം പ്രായമുള്ള അബൂബക്കര്‍ വയനാട്ടിലേക്കു പുറപ്പെട്ടു. 1922-ലായിരുന്നു അത്. ചില സുഹൃത്തുക്കളോടൊപ്പം കാൽനടയായാണ് അദ്ദേഹം വയനാട്ടിലെത്തുന്നത്. കുറച്ചുനാൾ കണിയാമ്പറ്റയിൽ താമസിച്ചു തിരിച്ചുപോയി. പക്ഷേ, അധികകാലം നാട്ടിൽ ചെലവഴിച്ചില്ല. ആദ്യം ഉമ്മയെയും പിന്നീട് പിതാവ് അബ്ദുറഹിമാനെയുമെല്ലാം അദ്ദേഹം വയനാട്ടിലേക്കു കൊണ്ടു വന്നു. അവിടെ നിന്നു തന്നെ വിവാഹം കഴിച്ചു. 1933-35 കാലയളവിൽ സഹോദരന്മാരായ മുഹമ്മദ്, സൈതലവി, മായൻകുട്ടി എന്നിവരും അദ്ദേഹത്തിന്റെ പാത പിന്തുടർന്നു. കുറച്ചുകാലം കല്പറ്റയ്ക്കടുത്ത ചുണ്ടയിൽ താമസിച്ചിരുന്നുവെങ്കിലും വൈകാതെ ഇവരും കണിയാമ്പറ്റയിലെ തന്നെ സ്ഥിരതാമസക്കാരായി മാറി. ഇതിൽ മുഹമ്മദിന്റെ കുടുംബം കമ്പളക്കാടിനുത്ത പറളിക്കുന്നിലുണ്ട്. യുവത്വത്തിന്റെ ആവേശവും കാർഷികവൃത്തിയോടുള്ള അഭിനിവേശവുമാണ് അബൂബക്കറിനെ വയനാട്ടിലെത്തിച്ചതെങ്കിലും അവിടെ അദ്ദേഹത്തിന്റെ നിയോഗം മറ്റൊന്നായിരുന്നു. പ്രതീക്ഷിക്കാതെ ലഭിച്ച ഗവൺമെന്റ് ജോലിയാ യിരുന്നു അത്. വിദ്യാഭ്യാസ വകുപ്പിലെ പ്യൂൺ തസ്തികയിൽ 1973 വരെ അദ്ദേഹം സേവനമനുഷ്ഠിച്ചു. മകൻ മുഹമ്മദുകുട്ടിയും പിന്നീട് അതേ ഡിപ്പാർട്ടുമെന്റിൽ ജീവനക്കാരനായിരുന്നു.

അബൂബക്കറിന്റെ പിതാവ് അബ്ദുറഹിമാന്റെ അടുത്ത സുഹൃത്തുക്കളും ബന്ധുക്കളുമായ ചിലരാണ് തുടർന്നു ചുരം കയറിയവർ. കീടക്കാട് ചേക്കുട്ടിയുടെ മക്കളായ കുഞ്ഞറമുട്ടി, കുഞ്ഞഹമ്മദ് മമ്മദ് എന്നിവരും അവരുടെ പുത്രന്മാരുമാരുന്നു അത്. ഈ ഗണത്തിൽ തന്നെ ആദ്യമെത്തുന്നത് കുഞ്ഞറമുട്ടിയുടെ മക്കളായ മൊയ്തീൻ കുട്ടിയും ചേക്കുട്ടിയുമാണ്. 1945-ലായിരുന്നു അവരുടെ വയനാടൻ യാത്ര. പ്രമുഖ രാഷ്ട്രീയ നേതാവും പാർലമെന്റ് അംഗവുമായ എം. പി. വീരേന്ദ്രകുമാറിന്റെ മുത്തച്ഛൻ പാലുകുന്ന് ചന്ദ്രഗൗഡറുടെ എസ്റ്റേറ്റിൽ ജോലിക്കാരായി വന്നവരാണവർ. കൊണ്ടോട്ടിയിലും പരിസരങ്ങളിലുമുള്ള നാലഞ്ചുപേർ നേരത്തെ തന്നെ ഗൗഡറുടെ തോട്ടത്തിൽ ജോലി ചെയ്തിരുന്നു. കാപ്പിയും കുരുമുളകും, നാരങ്ങയുമാണ് മുഖ്യകൃഷി. മുത്താറി, നെല്ല് തുടങ്ങിയവയും വിളയിച്ചിരുന്നു. തൊഴിലാളികൾക്കു താമസിക്കാനായി എസ്റ്റേറ്റിനു സമീപം വലിയ പാടിയുണ്ടായിരുന്നു. വൈകുന്നേരം വരെ പണിയെടുത്താൽ ഒരു രൂപയും അരസേർ അരിയും കൂലിയായി ലഭിക്കും. താമസസ്ഥലത്തിന് വാടക നൽകേണ്ടിയിരുന്നില്ല. എസ്റ്റേറ്റിൽ നിന്നും നാലു കിലോമീറ്റർ അകലെയു ള്ള പനമരത്തേക്ക് കോഴിക്കോട്ടുനിന്നും നാമമാത്രമായ ബസ് സർവ്വീസ് നിലവി ലുണ്ടായിരുന്നു. മൂന്നു രൂപയായിരുന്നു ടിക്കറ്റ്. ഒരാഴ്ച പണിയെടുത്താൽ കിട്ടുന്ന കൂലി നാട്ടിൽ പോയി തിരിച്ചെത്താൻ ബസ്സിനു തന്നെ തികയില്ല. അതിനാൽ രണ്ടോ മൂന്നോ മാസത്തിലൊരിക്കലാണ് കൊണ്ടോട്ടിയിൽ പോയി വരിക. അതിനി ഉറ്റവരോ ഉടയവരോ മരണപ്പെട്ടാലും വിവരമറിഞ്ഞെന്നു വരില്ല മൊയ്തീൻകുട്ടിക്കും ചേക്കുട്ടിക്കും പിന്നാലെ, അനുജൻ അബ്ദുറഹിമാൻ കുട്ടിയും പിതൃസഹോദരനായ കുഞ്ഞഹമ്മദിന്റെ മകൻ അഹമ്മദും 1946-ൽ പാലുകുന്നിലെത്തിച്ചേർന്നു. അഹമ്മദിന്‍റെ സഹോദരി ആയിഷക്കുട്ടിയെയാണ് ചേക്കുട്ടി വിവാഹം കഴിച്ചത്. പുരുഷന്മാർ ജോലിയ്ക്കു പോകുമ്പോൾ പാടിയിൽ സ്ത്രീകൾ വെറുതെയിരിക്കുകയായിരുന്നില്ല. മുതലാളിയുടെ വീട്ടിൽ നിന്നും നെല്ല് വാങ്ങി, പുഴുങ്ങിക്കുത്തി, അരിയാക്കി തിരികെ നൽകുകയാണ് സ്ത്രീകളുടെ ജോലി. ആഴ്ചയിൽ ആറു പറ നെല്ലാണ് ഒരാൾക്കു നൽകുക. ഇതിൽ ഒരുപറ കൂലിയാണ്. അഞ്ചുപറയുടെ അരി തിരികെ നൽകണം. അക്കാലത്ത് വയനാട്ടിൽ വ്യാപകമായി നിലവിലിരുന്ന ഈ സംവിധാനം കൂഴം കുത്തൽ എന്ന പേരിലാണറിയപ്പെട്ടിരുന്നത്. പാലുകുന്ന് എസ്റ്റേറ്റുപാടിയിൽ താമസിച്ചു വരുമ്പോഴാണ് സ്വന്തമായി വീടും സ്ഥലവുമൊക്കെ വേണമെന്ന ആഗ്രഹം ഇവർക്കുണ്ടാവുന്നത്. അങ്ങനെയാണ് പാലുകുന്നിൽനിന്നും ഏഴു കിലോമീറ്റർ അകലെ, പനമരത്തിനടുത്ത നെല്ലിയമ്പത്ത് സ്ഥലം കണ്ടെത്തുന്നത്. കീടക്കാട് കുടുംബത്തിൽ നിന്നും വിവാഹം കഴിച്ച ദേവസ്വം പറമ്പത്ത് മൊയ്തീൻ മൊല്ലയും (അദ്ദേഹവും പാലുകുന്ന് എസ്റ്റേറ്റിലുണ്ടായിരുന്നു) അവിടയുണ്ട്. മുളങ്കാടുകളും മറ്റും നിറഞ്ഞു നിൽക്കുന്ന രണ്ടേക്കറോളം ഭൂമി അവിടെ വകഞ്ഞുവച്ചു വേലി കെട്ടി. പാലുകുന്നിൽ പണിക്കു പോകുമ്പോൾ തന്നെ ഇടദിവസങ്ങളിൽ അവിടെ കാടുവെട്ടിത്തെളിയിച്ചു തീയിട്ടു. കിളച്ചു മറിച്ച്, കപ്പയും ചേനയും നട്ടും, ക്രമേണ കാപ്പിയും കുരുമുളകും വച്ചുപിടിപ്പിച്ചും നല്ല തോട്ടമാക്കി മാറ്റി. മുളയും വൈക്കോ ലുമുപ യോഗിച്ചു വീടുകെട്ടി താമസവും തുടങ്ങി. പിതാവ് കുഞ്ഞറമുട്ടിയെ, മക്കൾ നെല്ലിയമ്പത്തേക്കു കൊണ്ടു വന്നു. കൂലിപ്പണിയ്ക്കായി വയനാട്ടിലേക്കു പോയവർ, അവിടെ വീടും സ്ഥലവുമൊക്കെയാക്കി താമസം തുടങ്ങിയതറിഞ്ഞതോടെ കൊണ്ടോട്ടിയിൽ നിന്നും ബന്ധുക്കളായ കുറച്ചുപേർ കൂടി ആ വഴി പിന്തുടർന്നു.

കൊണ്ടോട്ടിയിലെ പ്രമുഖ പണ്ഡിതനും ഗ്രന്ഥകാരനുമായിരുന്ന ആലിക്കുട്ടി മുസ്ലിയാർ കീടക്കാട് കുടുംബാംഗമായിരുന്നു. മമ്പുറം മൗലിദ്, നാഗൂർ മൗലിദ്, ജബലുല്ലൈലി മൗലിദ് തുടങ്ങിയ കൃതികളുടെ കർത്താവും 18 പള്ളികളുടെ മേൽ ഖാദിയുമായിരുന്നു അദ്ദേഹം. ആലിക്കുട്ടി മുസ്ലിയാരുടെ പുത്രൻ അബ്ദുൽ അസീസ് മുസ്ലിയാരും കുടുംബവും 1950-നടുത്ത് നെല്ലിയമ്പത്തി സ്ഥിരതാമസമാക്കി. അദ്ദേഹത്തിന്റെ രണ്ടു പുത്രിമാർ അതിനു മുമ്പു തന്നെ വയനാട്ടിലുണ്ട്. മുകളിൽ സൂചിപ്പിച്ച നെല്ലിയമ്പത്തെ മൊയ്തീൻ കുട്ടിയുടെ ഭാര്യ പാത്തുമുണ്ണിയും, പാലു കുന്നിലെ അഹമ്മദിന്റെ ഭാര്യ ആയമ്മക്കുട്ടിയും. ഇതിൽ അഹമ്മദിന്റെ പിതാവായ കുഞ്ഞഹമ്മദും, മൊയ്തീൻകുട്ടിയുടെ പിതാവായ കുഞ്ഞ റമുട്ടിയും ജ്യോഷ്ഠാനുജന്മാരായിരുന്നു. ഇന്നത്തെ നെല്ലിയമ്പം ഗവ.എൽ.പി സ്കൂൾ സ്ഥിതി ചെയ്യുന്ന സ്ഥലത്തായിരുന്നു കുഞ്ഞുമുഹമ്മദ് വീടുണ്ടാക്കിയത്. അതിന്റെ വിളിപ്പാടകലെ അബ്ദുൽ അസീസ് മുസ്ലിയാരും താമസമാക്കി. ആയിഷ, ആസ്യ, മുഹമ്മദ് എന്നിവരാണ് അദ്ദേഹത്തിന്റെ മറ്റു മക്കൾ.

ഇന്നത്തെ പനമരം പഞ്ചായത്തിലുൾപ്പെടുന്ന പാലുകുന്ന് എസ്റ്റേറ്റിൽ ജോലി തേടിയാണ് പലരും വയനാട്ടിലെത്തിയതെന്ന വസ്തുത നേരത്തെ സൂചിപ്പിച്ചുവല്ലോ. എന്നാൽ അവിടെ സ്ഥിരതാമസമാക്കിയത്. അഹമ്മദു മാത്രമാണ്. എസ്റ്റേറ്റുപാടിയിലെ താമസത്തിനിടയിൽ തന്നെ അദ്ദേഹം അവിടെ നിന്നും ഒരു കിലോമീറ്റർ അകലെ ഒരു ചെറിയ വീടുവാങ്ങി. പിന്നീട് കമ്പളക്കാട് താമസമാക്കിയ അബൂബക്കർ നിർമ്മിച്ച മടലപ്പു രയായിരുന്നു അത്. എസ്റ്റേറ്റിലെ ജോലി മതിയാക്കി, കച്ചവടവും ചെറിയ തോതിൽ കൃഷിയുമൊക്കെയായി അവിടെ താമസിച്ചു വരുമ്പോൾ, നെല്ലിയമ്പത്തു നിന്ന് മാതാപിതാക്കളെ അങ്ങോട്ടു കൊണ്ടുവന്നു. 1965-ൽ പാലുകുന്നിൽ വച്ചാണ് പിതാവായ കുഞ്ഞഹമ്മദ് മരിക്കുന്നത്. ഏഴു വർഷത്തിനുശേഷം നാല്പത്തിമൂന്നാം വയസ്സിൽ അഹമ്മദും അന്തരിച്ചു. പാലുകുന്നിലെ മഹല്ല് ജമാഅത്തിനും, നമസ്കാരപ്പള്ളിക്കുമെല്ലാം തുടക്കം കുറിക്കുന്നതിൽ അദ്ദേഹം മുഖ്യ പങ്കുവഹിച്ചിരുന്നു. അഹമ്മദിന്റെ മക്കളായ അഞ്ച് കുടുംബങ്ങളാണ് ഇപ്പോൾ പാലുകുന്നിൽ താമസിക്കുന്നത്. കീടക്കാട്ട് ചേക്കുട്ടിയുടെ മകനും, നെല്ലിയമ്പത്തെ കുഞ്ഞറമുട്ടിയുടെ സഹോദരനുമായ മമ്മദ്ഹാജിയും 1952-ൽ വയനാട്ടിലെത്തിച്ചേർന്നിരുന്നു. കൃഷിയിലും കച്ചവടത്തിലുമൊക്കെയായിരുന്നു അദ്ദേഹത്തിനു താല്പര്യം. നെല്ലിയമ്പത്ത് വാസമുറപ്പിച്ച മമ്മദ് ഹാജി, അവിടെയും, പനമരം, പുൽപ്പള്ളി എന്നീ സ്ഥലങ്ങളിലും ഹോട്ടൽ നടത്തിയിരുന്നു. അദ്ദേഹ ത്തിന്റെ സഹോദരി ഖദീജകുട്ടിയും, അവരുടെ മകൻ മൊയ്തീൻകുട്ടി ഹാജിയും പിന്നീട് വയനാട്ടിലെത്തി നെല്ലിയമ്പത്തുതന്നെ സ്ഥിരതാമസമാക്കി. മൊയ്തീൻ കുട്ടി പൊതുകാര്യപ്രസക്തനാണ്.

വയനാട്ടിലെ പ്രധാന വിനോദസഞ്ചാരകേന്ദ്രമായ മുത്തങ്ങയിലും കീടക്കാട് കുടുംബത്തിന്റെ സാന്നിധ്യമുണ്ട്. കൊണ്ടോട്ടിയിൽ നിന്നും സ്വാതന്ത്ര്യപ്പിറവിക്കു തൊട്ടുമുമ്പ്, അവിടെയെത്തിച്ചേർന്ന മുഹമ്മദാണ് പ്രദേശത്തെ ആദ്യ കീടക്കാട് കുടുംബാംഗം. ഉപജീവനമാർഗം തേടി യൗവനത്തിൽ തന്നെ വയനാട്ടിലേക്കുപുറ പ്പെട്ട അദ്ദേഹം, വിവാഹാനന്തരം മുത്തങ്ങയിൽ സ്ഥിരതാമസമാക്കുകയായിരുന്നു. കോപ്പിലാൻ പാത്തുമ്മയാണ് ഭാര്യ. മക്കളായ അലവി, അഷ്റഫ്സഖാഫി, ഉസ്മാൻ, ഉമ്മർ, ഉമ്മുസൽമ, സൈനബ, ഹഫ്സത്ത് എന്നിവരിൽ അവസാനത്തെ രണ്ടുപേരുടേതൊഴികെയുള്ളവരുടെ വീടുകളാണ് ഇപ്പോൾ മുത്തങ്ങയിലുള്ളത്. ഇവരിൽ സജീവ ട്രേഡ് യൂണിയൻ പ്രവർത്തകനും, മഹല്ല് കമ്മിറ്റി ഭാരവാഹിയുമായ ഉസ്മാനും, പ്രമുഖ മതപണ്ഡിതനായ അഷ്റഫ് സഖാഫിയും എല്ലവർക്കും സുപരിചിതരാണ്. 1989-ലാണ് മുഹമ്മദ് അന്തരിച്ചത്. കണിയാമ്പറ്റ പഞ്ചായത്തിലെ കരണിയാണ് പരാമർശമർഹിക്കുന്ന മറ്റൊരു ദേശം. കരിപ്പൂരിലെ നയാബസാറിലെ കീടക്കാട് മുഹമ്മദ്കുട്ടിയുടെ മകൻ അബ്ദുറഹിമാൻ 1949 ലാണ് ഇവിടെ യെത്തിച്ചേരുന്നത്. അന്നു പത്തു വയസ്സുമാത്രം പ്രായമുണ്ടായിരുന്ന അദ്ദേഹം മീനങ്ങാടിക്കടുത്ത അരിമുള എസ്റ്റേറ്റിൽ പണിയെടുത്താണ് വയനാടൻ വാസത്തിന് തുടക്കം കുറിക്കുന്നത്. നെല്ലിയമ്പത്തെ കീടക്കാട് അബ്ദുറഹിമാന്റെ ഭാര്യ മറിയക്കുട്ടിയുടെ പിതാവ് ഏന്തീൻകുട്ടിയുടെ സഹോദര പുത്രനാണ്. അദ്ദേഹത്തിന്റെ മക്കളിൽ ഏഴുപേരുടെ വീടുകൾ ഇന്ന് കരണിയിലുണ്ട്.

നെല്ലിയമ്പത്തെ സാമൂഹിക-രാഷ്ട്രീയ മേഖലകളിൽ കഴിഞ്ഞ ഏഴുപതിറ്റാണ്ടു കാലമായി ഈ കുടുംബത്തിന്റെ നിറസാന്നിദ്ധ്യമുണ്ട്. ഇന്ന് 400 ഓളം കുടുംബങ്ങളുള്ള അവിടത്തെ മഹല്ല് ജമാഅത്തും, പള്ളിയും സ്ഥാപിക്കാൻ മുൻകൈയെടുത്ത പ്രമുഖരിൽ കീടക്കാട് കുഞ്ഞറമുട്ടി, അബ്ദുൽ അസീസ് മുസ്ലിയാർ, മമ്മദ്ഹാജി എന്നിവരെ വിസ്മരികാതിരിക്കാനാവില്ല. ഇവരിൽ കുഞ്ഞറമുട്ടിയുടെ മകൻ അബ്ദുറഹിമാൻ അറിയപ്പെടുന്ന രാഷ്ട്രീയ നേതാവും, സാമൂഹിക പ്രവർത്തകനുമായിരുന്നു. ദീർഘകാലം മഹല്ല് ജമാഅത്തിന്റെ സാരഥ്യം വഹിച്ച അദ്ദേഹത്തിന്റെ പ്രവർത്തനങ്ങളെ അനുസ്മരിപ്പിച്ചു കൊണ്ട് മക്കളായ സൈദുമുഹമ്മദും അബ്ദുൽ ഗഫൂറും ഇപ്പോഴും കമ്മറ്റി ഭാരവാഹിത്വത്തിലുണ്ട്. മമ്മദ്ഹാജിയുടെ മകൻ ചേക്കുഹാജി, ചേക്കുട്ടിയുടെ മക്കളായ സുലൈമാൻ, ഹുസൈൻ കുഞ്ഞിമുഹമ്മദ്, അബ്ദുൽ അസീസ്മുസ്ലിയാരുടെ മകൻ മുഹമ്മദ് തുടങ്ങിയവരും രാഷ്ട്രീയ സാമൂഹികരംഗങ്ങളിൽ സജീവമാണ്. വയനാട്ടിൽ നെല്ലിയമ്പം, കണിയാമ്പറ്റ, കമ്പളക്കാട്, കരണി, പാലുകുന്ന്, മുത്തങ്ങ, എന്നീ സ്ഥലങ്ങളിലാണ് ഇപ്പോൾ പ്രധാനമായും ഈ കുടുംബത്തിന്റെ കണ്ണികളുള്ളത്. ഓരോ പ്രദേശത്തും അവിടത്തെ പൊതുസമൂഹത്തിന്റെ ഭാഗമായി നാടിന്റെയും സമുദായത്തിന്റെയും മുന്നേറ്റത്തിൽ ഇവർ പങ്കാളികളായി വരുന്നു. അതോടൊപ്പം തങ്ങളുടെ പാരമ്പര്യവും കുടുംബബന്ധങ്ങളും കാത്തു സൂക്ഷിക്കു ന്നതിലും അവർ ബദ്ധശ്രദ്ധരാണ്. വയനാട്ടിലേക്കു കുടിയേറിയ കീടക്കാട് കുടുംബാംഗങ്ങളിൽ പ്രമുഖരുടെ ജീവചരിത്രക്കുറിപ്പുകൾ സംഗ്രഹിക്കാം.

കീടക്കാട്ട് പാലക്കോട്ട് അബ്ദുറഹിമാന്‍കുട്ടി മൊല്ലയുടെ അഞ്ച് മക്കളില്‍ രണ്ടാമത്തെ മകനാണ് ഉണ്ണിപ്പോക്കര്‍ ഹാജി. അദ്ദേഹത്തിന്‍റെ സഹോദരന്മാരായിരുന്നു വീരാന്‍കുട്ടി മുസ്‌ലിയാര്‍, മുഹമ്മദ്അലി, അഹമ്മദ്, മോനുദ്ദീന്‍ മുസ്‌ലിയാര്‍ എന്നിവര്‍. പ്രസിദ്ധ സൂഫിവര്യനും മതപണ്ഡിതനും ചികിത്സകനുമായിരുന്ന ഉണ്ണിപോക്കര്‍ഹാജി ക്രി. 1860ല്‍ ജനിച്ചു. ചെറുപ്പം മുതലേ ദീനി രംഗത്ത് ഉത്സുകനായിരുന്നു. വളരെ ചെറിയ പ്രായത്തില്‍ തന്നെ ഖുര്‍ആന്‍ 30 ജുസ്ഉം മനഃപാഠമാക്കി. തയ്യിലെ ഓത്തു പള്ളിയടക്കം അനേകം പള്ളി-ദര്‍സുകളില്‍ ഉസ്താദായും പല മഹല്ലുകളിലും ഖാദി ഖത്തീബായും സേവനമനുഷ്ഠിച്ചിട്ടുണ്ട്. നൂറുകണക്കിന് ശിഷ്യഗണങ്ങളും ഒട്ടേറെ അനുയായികളുമുള്ള സൂഫിവര്യനായിരുന്നു അദ്ദേഹം. സത്യസന്ധത, ലാളിത്യം, മഹാമനസ്കത, സഹജീവി സ്നേഹം, അനാചാരങ്ങള്‍ക്കും അന്ധവിശ്വാസത്തിനുമെതിരായ ഉറച്ച നിലപാട് തുടങ്ങിയവ കൊണ്ട് വേറിട്ട വ്യക്തിത്വമായിരുന്നു ഉണ്ണിപോക്കര്‍ ഹാജിയുടേത്.

1902ൽ ആണ് അദ്ദേഹം ആദ്യ ഹജ്ജ് നിർവഹിച്ചത്. സ്വന്തം സ്വത്ത് വിറ്റാണ് ഹജ്ജിന് പോകാനുള്ള പണം സ്വരൂപിച്ചത്. ഭാര്യയെയും അഞ്ച് മക്കളേയും ചെലവിന് വക നൽകി ബന്ധുക്കളെയേൽപ്പിച്ചാണ് സാഹസികമായ ഹജ്ജ് യാത്രക്ക് പോയത്. അന്നത്തെ ഹജ്ജ് യാത്ര പായക്കപ്പലിലായിരുന്നു. മാസങ്ങളോളം കടലിൽ ചെലവഴിക്കേണ്ടി വന്നു. ചിലപ്പോൾ ഭക്ഷണവും വെള്ളവും കിട്ടാതെവരും. കരയിലണഞ്ഞാൽ പിന്നെ ഒട്ടകപ്പുറത്ത് ദുർഘടമായ വഴികൾ താണ്ടി വേണം ലക്ഷ്യസ്ഥാനത്ത് എത്താൻ. ഒട്ടകം വാടകക്ക് എടുക്കാൻ കഴിവില്ലാത്തവർ കല്ലും മുള്ളും നിറഞ്ഞ വഴികളിലൂടെ നടന്നു നീങ്ങണം. ഹജ്ജിന് വരുന്ന വിശ്വാസികളുടെ ഭക്ഷണവസ്തുക്കളും പണവും കൈവശപ്പെടുത്തുകയും ദേഹോപദ്രവം ഏൽപിക്കുകയും ചെയ്യുന്ന ബദുക്കൾ അന്ന് അറേബ്യയിലെമ്പാടുമുണ്ടായിരുന്നു. അക്കാലത്ത് അറേബ്യ പെട്രോ ഡോളറിന്റെ പുളപ്പിലായിരുന്നില്ല. സാമ്പത്തികമായി ഏറെ പിന്നാക്കം നിൽക്കുന്ന രാജ്യമായിരുന്നു അത്. ഉണ്ണിപോക്കർ ഹാജി. രണ്ട് വർഷം അവിടെ താമസിച്ച് രണ്ട് ഹജ്ജ് ചെയ്താണ് നാട്ടിലേക്ക് മടങ്ങിയത്. അദ്ദേഹത്തിന്റെ രണ്ടാമത്തെ ഹജ്ജ് യാത്ര 1909ൽ ഇളയുപ്പയായ കീടക്കാട്ട് തെക്ക് വീട്ടിൽ അഹമ്മദ് ഹാജിയോടൊപ്പമായിരുന്നു. അഹമ്മദ് ഹാജിയുടെ ആവശ്യപ കാരമായിരുന്നു ആ യാത്ര. ആ യാത്രയിൽ ഹജ്ജിനു ശേഷം മദീനയാത് കഴിഞ്ഞു തിരിച്ചുവരുമ്പോൾ ജിറാനത്ത് എന്ന സ്ഥലത്ത് വച്ച് അഹമ്മദ് ഹാജി മരണപ്പെട്ടു. അദ്ദേഹത്തിന്റെ മയ്യിത്ത് മക്കയിൽ ഖബറടക്കി.

ഉണ്ണിപോക്കർ ഹാജി പ്രസിദ്ധനായ വൈദ്യനായിരുന്നു. ആയുർവേദ-പച്ച മരുന്നുകളായിരുന്നു ഔഷധങ്ങളായി ഉപയോഗിച്ചിരുന്നത്. ഇന്നത്തെപ്പോലെ ചികിത്സാ സൗകര്യങ്ങൾ അക്കാല ത്തുണ്ടായിരുന്നില്ല. വിശുദ്ധ ഖുർആൻ സൂക്തങ്ങളും ഹാജി സാഹിബ് ചികിത്സക്ക് ഉപയോഗിച്ചിരുന്നു. അങ്ങേയറ്റത്തെ അന്ധവിശ്വാസവും നിരക്ഷരതയും കൊടികുത്തി വാഴുന്ന കാലമായിരുന്നു അത്. കാണുന്നതും കേൾക്കുന്നതുമെല്ലാം പേടി. ചെകുത്താൻമാരും കുട്ടിച്ചാത്തൻമാരും പിശാചുക്കളും പൊട്ടിക്കൂട്ടം, ഒടിയന്മാരും അരങ്ങുവാഴുന്ന കാലം. വിശുദ്ധ ഖുർആനിലെ ആയത്തുൽ ഖുർസിയ്യ്, ഫാത്വിഹ മറ്റു സൂറത്തുകൾ എന്നിവ ഉണ്ണി പോക്കർ ഹാജി ഉറക്കെ ഓതുമ്പോൾ തന്നെ എല്ലാ മാരണങ്ങളും പോയി മറയും. രോഗിക്ക് ശമനം തോന്നും. ജാതി മത-ഭേദമന്യേ രോഗികൾ അദ്ദേഹത്തെ തേടിവന്നിരുന്നു. 1956-ൽ ആലിപ്പറമ്പ് എരഞ്ഞിക്കൽ താമസിക്കുമ്പോൾ, ഒരു സുഹൃത്ത് രാത്രി സമയത്ത് കഠിനമായവയറുവേദന കൊണ്ട് പൊറുതിമുട്ടി നിലവിളിക്കുന്നത് അദ്ദേഹം കേൾക്കാനിടയായി. പിറ്റേ ദിവസം രാവിലെ അദ്ദേഹത്തോട് 7 കരിങ്കൽ കഷ്ണങ്ങൾ പെറുക്കിക്കൊണ്ടുവരാൻ ഹാജി ആവശ്യപ്പെട്ടു. ആ കരിങ്കൽ കഷ്ണങ്ങൾ ഇട്ട് വെള്ളം തിളപ്പിച്ച് ഏഴ് ദിവസം കുടിക്കാൻ ആവശ്യപ്പെട്ടു. അതിനു ശേഷം യാതൊരു അസുഖവുമില്ലാതെ ഇരുപത് കൊല്ലത്തോളം അയാൾ ജീവിച്ചു. ഉണ്ണിപ്പോക്കർ ഹാജിക്ക് ചികിത്സ പണം വാരാനുള്ള മാർഗമായിരുന്നില്ല. ഒരു ദിവസത്തെ ഉപജീവനത്തിന് വേണ്ടത് മാത്രമേ സ്വീകരിച്ചിരുന്നുള്ളൂ. പിന്നെ ആര് എന്ത് കൊടുത്താലും സ്വീകരിക്കുകയില്ല. ഇന്നത്തെ ദിവസത്തിന്റെ ആവശ്യം എനിക്ക് പൂർത്തിയായിട്ടുണ്ട്. നാളത്തെ കാര്യം ഇന്ന് ആലോചിക്കേണ്ട. അതിന് അല്ലാഹുവിന്റെ കൽപനയുമില്ല എന്നാ യിരുന്നു മറുപടി.

മതത്തിന്റേയും ചികിത്സയുടേയും പേരിൽ നടക്കുന്ന തെറ്റായ എല്ലാ പ്രവർത്തനങ്ങളേയും സൂഫിവര്യനായ ഉണ്ണിപോക്കർ ഹാജി നഖശിഖാന്തം എതിർത്തു. അദ്ദേഹത്തിന്റെ രണ്ടാമത്തെ ഭാര്യ ഇത്തിക്കുട്ടി ഉമ്മ പറഞ്ഞ ഒരു സംഭവം ഈ വസ്തുതക്ക് അടിവരയിടുന്നതാണ്. ഇത്തിക്കുട്ടി ഉമ്മയുടെ തന്നെ വാക്കുകളിൽ അതിങ്ങനെ കുറിക്കാം. എന്റെ ബാപ്പ പേങ്ങാട്ടിരി മൂസ, ഉമ്മ ഫാത്വിമ, സഹോദരിമാർ മുതലായ എല്ലാവർക്കും ഒരിക്കൽ കോളറ രോഗം പിടിപ്പെട്ടു. പ്രദേശത്തെ മറ്റു പല വീടുകളിലും അത് പടർന്നുപിടിച്ചിരുന്നു. ഒരു ദിവസം കൊണ്ടു തന്നെ മരണം എന്ന നിലയിലായിരുന്നു ഞാനും മൂപ്പരും (ഉണ്ണിപോക്കർ ഹാജി). വിവരമറിഞ്ഞ് കുടീല് എത്തിയപ്പോഴേക്ക് മഗ്‌രിബ് കഴിഞ്ഞിരുന്നു. ഉണ്ണിപോക്കർ ഹാജിയും ഭാര്യയും അവശരായ കുടുംബാംഗങ്ങളെ കണ്ട് പുറത്തുവന്നപ്പോൾ, ഹാജി വിചിത്രമായ ഒരു കാഴ്ചകണ്ടു. കുറച്ച് ആളുകൾ ഒരു കാളയേയും കൊണ്ട് പുരയുടെ ചുറ്റും നടക്കുന്ന രംഗമായിരുന്നു അത്. ഹാജി കാര്യങ്ങൾ അന്വേഷിച്ചപ്പോൾ അത് അങ്ങാടിപ്പുറം തങ്ങളും കൂട്ടരുമാണന്നറിഞ്ഞു. ഇങ്ങനെയുള്ള (ഒബാഅ്) (പകർച്ചവ്യാധി) പിടിപ്പെട്ടാലുളള ചികിത്സയാണിതെന്ന് അവർ പറഞ്ഞു. ശൈത്താനാണ് കോളറ പടർത്തുന്ന തെന്നും അതുകൊണ്ട് ശൈത്താനെ ആട്ടി വിടാനാണ് പുരക്ക് ചുറ്റും കാളയെ കൊണ്ട് പ്രദക്ഷിണം വയ്ക്കുന്നതെന്നും അവർ ഹാജിയോട് സൂചിപ്പിച്ചു. ഉണ്ണിപോക്കർ ഹാജി അവരോട് (നിങ്ങൾ മിബ് നിസ്കരിച്ചോ? എന്ന് ചോദിച്ചു. ഇല്ല) എന്നായിരുന്നു മറുപടി. എന്നാൽ വുളു എടുക്കൂ. നിസ്കരിക്കു ശൈത്താനെ ആട്ടി വിടാനുള്ള ഒന്നാമത്തെ ചികിത്സ നിസ്കാരമാണെന്നും അവരോട് പറഞ്ഞു. ഉടനെതന്നെ അവരെല്ലാം വുളു എടുത്ത് നിസ്കരിച്ചു. ഹാജി കാളയെ മരത്തിൽ കെട്ടാൻ കൽപ്പിച്ചു. അദ്ദേഹം അകത്തേക്ക് പോയി. ഭാര്യാമാതാവ് മരണാസന്നയായിരുന്നു. അവർക്ക് ശഹാദത്ത് ചൊല്ലിക്കൊടുത്തു. അവർ മരിച്ചു. പുറത്ത് വന്നു ഹാജി തങ്ങളോടും കൂട്ടരോടും പറഞ്ഞു. കാള മരണത്തെ തടുക്കുകയില്ല. ഇങ്ങനെയുള്ള രോഗത്തിന് കാളയേയും കുതിരയേയും മറ്റു മൃഗങ്ങളേയും കൊണ്ട് പുരചുറ്റാൻ ആരും കൽപിച്ചിട്ടില്ല. പിരിഞ്ഞുപോയ്കൊള്ളൂ. ഇവിടെ വേറെ പണിയുണ്ട്. ഹാജിയുടെ ഭാര്യ തുടരുന്നു: ബാപ്പ ബോധം നശിച്ച് കിടക്കുന്നു. പിറ്റെ ദിവസം ഉമ്മയെ മറവ് ചെയ്തു. മണിക്കൂറുകൾക്കകം സഹോദരിയും മരിച്ചു. ബാപ്പാക്കും മറ്റു രോഗമുള്ളവർക്കും കുവയുടെ നീറ്റിൽ സ്വന്തം ഗുളിക കലക്കിക്കൊടുത്തു. മലര് പൊടി കഞ്ഞി കൊടുക്കാൻ കൽപ്പിച്ചു. നാലാം ദിവസം ബാപ്പ കണ്ണ് തുറന്നു. ഉമ്മയെ വിളിച്ചു. ഉമ്മ മരിച്ച വിവരം പറഞ്ഞപ്പോൾ വീണ്ടും ബോധം പോയി. പിന്നീട് എട്ടാം ദിവസമാണ് ബോധം വന്നത്. ഹാജിയുടെ ചികിത്സാ ഫലമായി മറ്റു രോഗികളും സുഖംപ്രാപിച്ചു. രോഗം കാരണം ഭാര്യ പിതാവിന്റെ ഒരു കണ്ണ് നഷ്ടപ്പെട്ടിരുന്നു. ഈ കാളകെട്ടി ചികിത്സക്ക് രണ്ട് ഹെക്ടർ പറമ്പ് 25 രൂപക്ക് പണയം കൊടുത്തിരുന്നു. കാളക്ക് അഞ്ച് രൂപയും, തങ്ങൾക്ക് 10 രൂപയും മറ്റെല്ലാവർക്കും കൂടി അഞ്ച് രൂപയുമാണ് കൊടുത്തിരു ന്നത്. പിന്നീട് ആ പറമ്പ് ഒഴിപ്പിച്ചെടുക്കാൻ സാധിച്ചില്ല. പണയക്കാരൻ സ്വന്തമാക്കി. ഉണ്ണിപോക്കർ ഹാജിയുടെ ഭാര്യാ കുടുംബത്തിന് കിടപ്പാടം നഷ്ടപ്പെട്ടു. ഒടുവിൽ വയനാട്ടിലും കോഴിക്കോട്ടും മാവൂരിലും മാറിമാറി താമസിച്ചു. ഈ നഷ്ടപ്പെട്ട ഭൂമിയുടെ കാര്യം ഭാര്യ പറയുമ്പോൾ വിശാലമായ സൗകര്യമുള്ള സ്ഥലം സ്വർഗമാണ് അതിന്റെ കാര്യം പറഞ്ഞോ എന്നായിരുന്നു ഹാജിയുടെ മറുപടി. അദ്ദേഹത്തിന്റെ രണ്ടാം ഭാര്യ ഖുർആനിന്റെ ഏതാനും ഭാഗം മനഃപാഠമാക്കിയവരും നല്ല മതനിഷ്ഠയുള്ളവരുമായിരുന്നു. അവർക്ക് ആറ് ആൺമക്കളുണ്ടായിരുന്നു. ഉണ്ണിപോക്കർ ഹാജിക്ക് ആദ്യ ഭാര്യയിലുണ്ടായിരുന്നത് രണ്ട് ആൺമക്കളാണ്. മതപരമായ വിഷയത്തിൽ ഉണ്ണിപോക്കർ ഹാജി ഫത്വ നൽകിയിരുന്നു. 1930ൽ പുളിക്കൽ പഞ്ചായത്തിലെ കൊട്ടപ്പുറം എന്ന സ്ഥലത്ത് താമസിച്ചിരുന്നപ്പോൾ, അക്കാലത്ത് നിലവിലുണ്ടായിരുന്ന രീതിയായ ഒരു ഗ്രാമത്തിൽ ഒരു ജുമുഅ എന്നതിനെ സംബന്ധിച്ചുള്ള മതവിധി ചോദിച്ചപ്പോൾ ഏറ്റവും പുരോഗമനപരമായ അഭിപ്രായമാണ് നൽകിയത്. അന്നത്തെ രീതി അനുസരിച്ച് ഒരു വെള്ളിയാഴ്ച്ച കൊട്ടപ്പുറത്ത് ജുമുഅ നടന്നാൽ അടുത്ത വെള്ളിയാഴ്ച പുളിക്കലിൽ എന്നായിരുന്നു. ഇത് ജനങ്ങൾക്ക് വലിയ പ്രയാസം സൃഷ്ടിച്ചു. കൊട്ടപ്പുറം നിവാസികൾ ഇക്കാര്യം ഹാജിയുടെ ശ്രദ്ധയിൽ പെടുത്തിയപ്പോഴാണ് അദ്ധേഹം ഫത്വ നൽകിയത്. കൊട്ടപ്പുറം പള്ളിയിൽ എല്ലാ വെള്ളിയാഴ്ച്ചയും ജുമുഅ നടത്താമെന്നും, ആദ്യകാലത്ത് ജനങ്ങൾ കുറവായതുകൊണ്ടാണ് ചില നിബന്ധനകൾ വച്ചതെന്നും അതിനാൽ ജനങ്ങൾ ഒരുമിക്കുന്ന ഏത് സ്ഥലത്തും ജുമുഅ നടത്താമെന്നും അദ്ദേഹം പറഞ്ഞു. അങ്ങനെ കൊട്ടപ്പുറം പള്ളി യിലെ ഖത്തീബ് സ്ഥാനം ജനങ്ങൾ അദ്ദേഹത്തിന് നൽകി. കൊട്ടപ്പുറത്തെ ആലം പൊറ്റ പറമ്പിലായിരുന്ന ഹാജി താമസിച്ചിരുന്നത്. 1934ൽ ഹാജിയുടെ മകൻ മുഹമ്മദ് മുസ്ലിയാർ ഖാദി സ്ഥാനം ഏറ്റെടുത്തു. വലിയപറമ്പ് പടിഞ്ഞാറെ ജുമുഅത്ത് പള്ളിയിലും കോഴിപ്പുറം (പള്ളിക്കൽ) പള്ളിയിലും ഖത്തീബായി ജോലി ചെയ്തിട്ടുണ്ട്. നാട്ടുചികിത്സ മാത്രം അവലംബിച്ചിരുന്ന ആ കാലത്ത് അറിയപ്പെട്ട നാട്ടുവൈദ്യൻ കൂടിയായിരുന്നു. ആരോഗ്യ ചികിത്സയിൽ പാവപ്പെട്ടവരുടെ അത്താണിയായിരുന്നു. 1952 ൽ മോനുദ്ദീൻ മുസ്ലിയാർ ഖത്തീബായി. അദ്ദേഹത്തിന് ശേഷം മകൻ അബ്ദുൽ കരീം മുസ്ലിയാരായിരുന്നു കൊട്ടപ്പുറം ഖത്തീബ്. അദ്ദേഹം 2004 വരെ തുടർന്നു.

ഉണ്ണിപ്പോക്കർ ഹാജി ആദ്യം താമസി ച്ചിരുന്നത് കരിപ്പൂർ വെള്ളാരായിരുന്നു. ഹജ്ജ് യാത്രയ്ക്ക് ശേഷം വാഴക്കാട് കൊയപ്പത്തൊടിയുടെ നിയന്ത്രണത്തിലുള്ള പള്ളിയിലായിരുന്നു ജോലി. പ്രതിഫലമായി നെല്ലായിരുന്നു കൊടുത്തിരുന്നത്. ഒരു വർഷം നെല്ല് പുരയിൽ സ്റ്റോക്കായപ്പോൾ (കെട്ടികിടന്നപ്പോൾ) വരാൻ പോകുന്ന പ്രതിഫലം വാങ്ങി ഇവിടെ നിൽക്കുന്നത് ശരിയല്ലായെന്ന് പറഞ്ഞു പള്ളിയുടെ താക്കോൽ തിരിച്ചേൽപ്പിച്ചു. പിന്നീട് കൊട്ടപ്പുറം, എലത്തൂർ, ഒളകര, ചേലേമ്പ്ര, പെരുവള്ളൂർ (പുന്നത്ത് പള്ളി), ഇടിമുഴിക്കൽ തുടങ്ങിയ സ്ഥലങ്ങളിലെല്ലാം ജോലിയാവശ്യാർത്ഥം താമസിച്ചു. ഹാജിയുടെ ജീവിത ദർശനം വെളിപ്പെടുന്നതാണ് അദ്ദേഹത്തിന്റെ ജീവിത ശൈലിയും സന്തതികളോടും മറ്റുമുള്ള സമീപനവും. മക്കൾക്ക് ഇണകളെ തിരഞ്ഞെടുക്കുമ്പോൾ സമ്പത്തിന് യാതൊരു പ്രാമുഖ്യവും നൽകിയില്ല. അവശത അനുഭവിക്കുന്നവരുടെ ദീനീബോധമുള്ളവരും, യതീമുകളുമായ പെൺകുട്ടികളെയാണ് ഹാജി തന്റെ മക്കൾക്ക് വേണ്ടി കണ്ടെത്തിയത്. വലിയപറമ്പിൽ നിന്ന് മൂന്നാമത്തെ മകൻ മുഹമ്മദ് മുസ്ലിയാർക്ക് വേണ്ടി വിവാഹമന്വേഷണവുമായി കുഞ്ഞിമുഹമ്മദ് മുസ്ലിയാരെയും ചെറിയമ്മദ്കുട്ടി ഹാജിയേയും സമീപിച്ചു. അവരുടെ കുടുംബത്തിൽപ്പെട്ട കുടുക്കിൽ കോച്ചാമ്പള്ളി മമ്മദ് എന്നവരുടെ മകൾ ഉമ്മാത്തയായിരുന്നു വധു. ഉമ്മാത്തയുടെ ബാപ്പയെ 1921ലെ ലഹളയിൽ വെള്ളപ്പട്ടാളം വെടിവച്ചു. അവരുടെ വീട് പട്ടാളം അഗ്നിക്കിര യാക്കി. കോച്ചാമ്പള്ളി മമ്മദ് അവശനായി മരണപ്പെട്ടു. കല്യാണാലോചനയിൽ ഒന്നും തരാൻ സാധിക്കുകയില്ലെന്ന് വധു കുടുംബം പറഞ്ഞപ്പോൾ (സ്ത്രീ മാത്രം മതി), (ധനം) ആവശ്യമില്ലെന്നായിരുന്നു ഹാജിയുടെ മറുപടി. നമ്മുടെ സ്ത്രീധന വിരുദ്ധ മുന്നേറ്റങ്ങളിൽ ഈ ആദ്യകാല പോരാളിയെ അടയാളപ്പെടുത്താൻ മറക്കരുത്. മറ്റു മക്കളുടെ വിവാഹത്തിലും (ധനം) വിഷയമായിരുന്നില്ല. ഉണ്ണിപ്പോക്കർ ഹാജിയുടെ രണ്ടാമത്തെ ഭാര്യ വളരെ സമ്പന്നയായിരുന്നു. എന്നാൽ അവരുടെ വിവാഹശേഷം ദുനിയാവിലെ സമ്പത്ത് നമുക്ക് ആവശ്യമില്ല എന്ന് പറഞ്ഞ് അത് ഉപേക്ഷിക്കാൻ ഉപ്പാപ്പ പറയുകയായിരുന്നു. വിവാഹത്തിന് മുമ്പ് നടന്ന് പോയി ഒന്നിൽ കൂടുതൽ ഹജ്ജ് നിർവഹിച്ച അദ്ദേഹത്തോട് മക്കത്തെത്തണമെങ്കിൽ കടലിലൂടെ പോകേണ്ടിവരില്ലെ എന്ന് ഭാര്യ ചോദിക്കുകയുണ്ടായി. ഞാൻ പോകുന്ന വഴിയിൽ ഒരു കൈതോട് പോലും കണ്ടിട്ടില്ല എന്നാണ് മറുപടി നൽകിയത്. മല കയറിയുള്ള യാത്രയിൽ കുടിക്കാനും മറ്റു ആവശ്യങ്ങൾക്കും പാറക്കെട്ടുകൾക്കിടയിൽ നിന്നായിരുന്നു വെള്ളം ശേഖരിച്ചിരുന്നത്. അതിന് ശേഷം സൗദി അറേബ്യയിൽ പോയി അദ്ദേഹം ഇൽമ് പഠിച്ചിരുന്നു. വർഷങ്ങൾക്ക് ശേഷമാണ് നാട്ടിൽ തിരിച്ചെത്തിയത്. മാനസിക രോഗം പിടിപെട്ടവർക്ക് ചങ്ങലയിൽ ബന്ധിച്ച ചികിത്സ നൽകി സുഖപ്പെട്ട വിവരം അദ്ദേഹത്തിന്റെ ഭാര്യ പറയുകയുണ്ടായി. പെൺമക്കളില്ലാത്ത അദ്ദേഹം 102-ാം വയസ്സിൽ വീണ്ടും ഒരു വിവാഹം കഴിച്ചു. അവരാണ് ഇത്തിക്കുട്ടി ഉമ്മൂമ്മ. അവർക്കുണ്ടായ മക്കളാണ് ഫാത്തിമയും കദീജയും. ഫാത്തിമയെ 9-ാം വയസ്സിൽ ഉപ്പാപ്പയുടെ കൂടെ താളിയോല ഗ്രന്ഥങ്ങളും കിതാബുകളും മറ്റു സാധനങ്ങളും അടങ്ങിയ ഭാണ്ഡക്കെട്ട് കൊണ്ട് നടക്കുന്ന ഒരു കയ്യാള് (സഹായി) ഉണ്ടായിരുന്നു. പേര് മൊയ്തീൻ. അവരാണ് ഉപ്പാപ്പയുടെ മകളെ വിവാഹം ചെയ്തത്. പക്ഷേ ആ ബന്ധം അധികകാലം നീണ്ടുനിന്നില്ല. മൊയ്തീൻ ചെയ്ത പ്രവൃത്തിയിൽ കള്ളത്തരം വന്ന കാരണത്താൽ അല്ലാഹുവിന് ഇഷ്ടപ്പെടാത്ത പ്രവൃത്തി ചെയ്തതിന്റെ പേരിൽ ഉപ്പാപ്പ സ്വന്തം കൈപ്പടയിൽ മകൾ ഫാത്തിമയെ മൂന്നും ചേർത്ത് മൊഴി ചൊല്ലിയതായി എഴുതിയ കത്ത് മൊയ്തീനെ കൊണ്ട് വായിപ്പിച്ചു. അങ്ങനെ ആ ബന്ധം അവിടെ വച്ച് മുറിച്ചു കളഞ്ഞു. പിന്നീട് ഇക്കാലമത്രയും മകൾ ഫാത്തിമ മറ്റൊരു വിവാഹം സ്വീകരിച്ചില്ല. കരിപ്പൂർ പ്രദേശത്തെ ഒരു പറമ്പ് ഫറോക്കിലെ നീലാട്ട് ഹസ്സൻ ഹാജി എന്ന ജന്മിയുടെ കൈവശമായിരുന്നു. അക്കാലത്ത് തന്റെ ഭൂമിയിലെ ഫലവൃക്ഷങ്ങൾ വന്ന് നോക്കാൻ അദ്ദേഹത്തിന് സാധിക്കാത്തതിന്റെ പേരിൽ വിശ്വാസിയും മതപണ്ഡിതനുമായ ഉണ്ണിപ്പോക്കർ ഹാജി ഉപ്പാപ്പയെ നോക്കാനും തൈകൾ നനക്കാനും ഏൽപ്പിച്ചു. അങ്ങനെയിരിക്കെ ഒരു ദിവസം (ഹാജി) വീട്ടിൽ ഭക്ഷ ണം കഴിക്കാൻ വേണ്ടി വന്നപ്പോൾ സ്വന്തമായി തെങ്ങില്ലാത്ത അദ്ദേഹത്തിന്റെ മുമ്പിൽ തേങ്ങയരച്ച കറിയുമായി ഭാര്യ ഭക്ഷണം വിളമ്പി. ഇതു കണ്ട് ഹാജി കറിക്കുള്ള തേങ്ങ എവിടുന്നു കിട്ടി എന്നു ചോദിച്ചു. നമ്മുടെ മുമ്പിലുള്ള തെങ്ങിൽ നിന്നും (ഫറോക്കിലെ മുതലാളിയുടെ) വീണതാണെന്ന് പറയുകയും ഇത് കേട്ട ഹാജി അത് നമ്മുടെ മുതലല്ലാ എന്ന് പറഞ്ഞുകൊണ്ട് ഭക്ഷണം പോലും കഴിക്കാതെ അവിടെ നിന്നും എഴുന്നേറ്റ് കൊണ്ട് ഫറോക്കിലെ മുതലാളിയുടെ അടുത്തു പോയി സംഭവം പറയുകയും ചെയ്തു. തന്റെ ഭാര്യ ചെയ്ത തെറ്റിന് എനിക്ക് പ്രായശ്ചിത്തം ചെയ്യണം. ഹാജിയുടെ സത്യസന്ധതയിൽ മനം നിറഞ്ഞ അദ്ദേഹം പറഞ്ഞു. ആ സ്ഥലം ഇനി നിങ്ങൾക്കവകാശപ്പെട്ടതാണ്. ഇനി ഞാൻ അങ്ങോട്ട് വരില്ല എന്ന് പറഞ്ഞു. ദുനിയാവിലെ മുതൽ ആഗ്രഹിക്കാത്ത അദ്ദേഹം അത് സ്വന്തമാക്കിയില്ല. പിന്നീട് ആ സ്ഥലങ്ങൾ പലരും കയ്യേറു കയുണ്ടായി. മേൽപറമ്പിൽ തൈകൾ നനക്കാൻ ഏൽപ്പിക്കപ്പെട്ട അദ്ദേഹം കോരിച്ചൊരിയുന്ന മഴയത്ത് തൈകൾ നനക്കുന്നത് കണ്ട് ആശ്ചര്യം കൂറിയവരോട് മഴ ഉണ്ടാകുമ്പോൾ നനക്കേണ്ട എന്ന് പറഞ്ഞിട്ടില്ലല്ലോ? എന്നായിരുന്നു മറുപടി! സൂക്ഷ്മത അൽപം പോലും കൈവിടാതെയാണ് അദ്ദേഹം ജീവിച്ചത്. ഉണ്ണിപ്പോക്കർ ഹാജി സദാ സഞ്ചരിച്ചു കൊണ്ടിരിക്കുന്ന മനുഷ്യനായിരുന്നു. കാൽനടയായിരുന്നു ഇഷ്ടം. പല ദിക്കുകളിലേക്കും ചികിത്സക്കായി ആളുകൾ കൂട്ടിക്കൊണ്ടുപോകും. അക്കാലത്ത് വാഹനസൗകര്യം തുലോം കുറവ്. കോഴിക്കോട്-മഞ്ചേരി റൂട്ടിൽ (ഇന്ത്യൻ ബസും), (എസ്.എം ബസും മാത്രം. ഒരു മൈലിന് ഒരണതോതിലായിരുന്നു നിരക്ക്. കൊണ്ടോട്ടി-കോഴിക്കോട് 16 അണയായിരുന്നു അന്നത്തെ കൂലി (ഒരുറുപ്പിക). ആ കാലത്ത് ഉണ്ണിപോക്കർ ഹാജി റോഡിലൂടെ നടന്നുപോകുന്നത് കണ്ടാൽ ബസുകൾ നിർത്തി കയറാൻ പറയും. ചിലപ്പോൾ കയറും, അല്ലെങ്കിൽ )എനിക്ക് നടക്കേണ്ട ആവശ്യമുണ്ടെന്ന് പറയും. യാത്രാവേളയിൽ ഭാണ്ഡം ചുമക്കാൻ ഹാജിയുടെ കൂടെ ഒരാളുണ്ടാകും. ആ ഭാണ്ഡത്തിൽ കിതാബ്, മരുന്ന്, പലഹാരങ്ങൾ മുതലായവ ഉണ്ടാവും. കൂടെ നടന്നിരുന്ന വരെ അദ്ദേഹത്തിന്റെ കാലശേഷം (ചികിത്സാരികൾ) മുസ്ലിയാക്കൾ എന്നൊക്കെയാണ് ജനങ്ങൾ വിളിച്ചിരുന്നത്. ഉണ്ണിപ്പോക്കർ ഹാജിയുടെ കാലത്ത് തന്നെ മക്കൾ സ്വന്തം വീട് വച്ചു താമസിച്ചിരുന്നു. ഹാജി കൊല്ലത്തിൽ രണ്ട് പ്രാവശ്യം മക്കളുടെ വീട് സന്ദർശിക്കും. മുറ്റത്ത് ഒരു പായ വിരിച്ച് അതിലിരിക്കും. പേരക്കിടാങ്ങളേയും ആ പായയിൽ ഇരുത്തും. കൂടെ കരുതിയ പലഹാരപ്പൊതി അവർക്ക് നൽകും. വീട്ടുകാര്യങ്ങൾ അന്വേഷിക്കും. ചായകുടിച്ച് ഉടനെ തിരികെ പോകും. പേരക്കുട്ടികൾക്ക് ചെമ്പ് മുക്കാൽ കൈനീട്ടം കൊടുക്കും. കുട്ടികളോടൊന്നിച്ചിരിക്കുമ്പോൾ ഈ മഹാപണ്ഡിതൻ സ്വയം ഒരു കുട്ടിയാവും. അക്കാലത്ത് ഒരുറുപ്പികക്ക് 64 മുക്കാലാണ്. മുക്കാലിന് താഴെ കാപൈസയാണ്. ചായമക്കാനിയിൽ ചായക്കും നെയ്യപ്പത്തിനും രണ്ട് മുക്കാൽ കൊടുക്കണം. ഹാജിക്ക് ഏറ്റവും ഇഷ്ടപ്പെട്ട പലഹാരം നെയ്യപ്പമായിരുന്നു. ഉണ്ണിപ്പോക്കർ ഹാജി കുറച്ചു സംസാരിക്കുകയും ജനകൂട്ടത്തെ കഴിവതും ഒഴിവാക്കുകയും ചെയ്ത സൂഫിവര്യനായിരുന്നു. ജനങ്ങളെ ഒരുപോലെ കണ്ടു. പണക്കാരനും പണിക്കാരനും, പണ്ഡിതനും പാമരനും എല്ലാം ഹാജിക്ക് ഒരുപോലെയായിരുന്നു. 1956 ൽ തിരുവിതാംകൂർ സ്വദേശിയും പ്രസിദ്ധ പണ്ഡിതനുമായി രുന്ന പതി അബ്ദുൽ ഖാദർ മുസ്ലിയാർ പള്ളിക്കൽ ബസാറിൽ വഅള് (മത പ്രസംഗം) പറയാൻ വന്നു. ഹാജിയെ വളരെ യധികം പ്രകീർത്തിക്കുകയും ഈ കാലഘട്ടത്തിലെ (വലിയ്യ്) ആണെന്നും അദ്ദേഹത്തെ നേരിൽ കാണണമെന്നും പറഞ്ഞു. ഒരു ദിവസം പതി മഞ്ചലിൽ കയറി പരിവാരത്തോടെ ഹാജിയുടെ ആൽപറമ്പ (എരഞ്ഞിക്കൽ) വീട്ടിലെത്തി. അത്യാവശ്യ കാര്യങ്ങളെല്ലാം പറഞ്ഞു കഴിഞ്ഞപ്പോൾ ഹാജി പറഞ്ഞു: എനിക്ക് വയസ്സായി. ഞാനുമായി നിങ്ങൾ സമയം ചെലവഴിക്കരുത്. ഉടനെതന്നെ തിരിച്ചു പോകാൻ സമ്മതവും നൽകി. വീടും കുടുംബാംഗങ്ങളുമായി ബന്ധപ്പെട്ട എല്ലാ കാര്യങ്ങളിലും സഹോദരങ്ങളോടും വേണ്ടപ്പെട്ടവരോട് കൂടി ആലോചിക്കുക ഹാജിയുടെ സ്വഭാവമായിരുന്നു. അക്കാര്യത്തിൽ അങ്ങേയറ്റം ജനാധിപത്യവാദിയായിരുന്നു ഹാജി. കുട്ടികളെയും സ്ത്രീകളെയുമൊക്കെ എല്ലാകാര്യത്തിലും പരിഗണിച്ചിരുന്നു. ഇളയ സഹോദരൻ മോനുദ്ദീൻ മുസ്ലിയാരുടെ അഭിപ്രായത്തെ കൂടുതൽ പരിഗണിക്കും. 1946 ൽ ചേലേമ്പ്രയിൽ താമസിക്കുന്ന കാലത്ത് രണ്ട് ആൺമക്കളുടെ വിവാഹം നടന്നു. (അബ്ദുല്ല മുസ്ലിയാർ, അഹമ്മദ് കോയ മുസ്ലിയാർ). കല്യാണത്തിന് ശേഷം മക്കളേയും പേരക്കിടാങ്ങളേയും അടുത്ത് വിളിച്ച് സന്തോഷം പങ്കിടുകയും ഒരു വസ്വിയത്ത് അറിയിക്കുകയും ചെയ്തു. (ഒരിക്കലും നിങ്ങളും നിങ്ങളുടെ പിൻതലമുറക്കാരും ഒരു കാരണവശാലും ഭിന്നിക്കരുത്) നമ്മുടെ കാരണവന്മാർ മുൻകോപികളായിരുന്നു. ആ പിന്തുടർച്ച നമ്മളിലുമുണ്ടാവും. അതിനാൽ ക്ഷമ മുറുകെ പിടിക്കണം. സ്വർഗത്തിൽ നമ്മൾ എല്ലാവരേയും ഒരുമിച്ചു കൂട്ടാൻ റബ്ബുൽ ആലമീൻ സഹായിക്കട്ടെ. നരകത്തെ കണികാണിക്കാതിരിക്കട്ടെ. അതിന് ശേഷം എല്ലാവരോടും പിരിഞ്ഞുപോകാൻ പറഞ്ഞു. കീടക്കാട് കുടുംബത്തിന് ഈ സൂഫിവര്യൻ നൽകിയ ഉപദേശം എക്കാലത്തും പ്രസക്തമായതാണ്.

1957-ൽ ചേലേമ്പ്ര അഹമ്മദ്കോയ (മകൻ) മുസ്ലിയാരുടെ വീട്ടിലായിരുന്നു താമസം. വീട്ടിന്റെ ചായ്പ്പിൽ ഓലപായ വിരിച്ച് അതിലാണ് ഇരുത്തവും കിടത്തവും. പതിനേഴ് ദിവസം രോഗിയായി കിടന്നു. മരിക്കുന്നതിന് രണ്ട് ദിവസം മുമ്പ് ഇന്ന് ഏത് ദിവസമാണ് എന്ന് ചോദിച്ചു. ചൊവ്വാഴ്ചയാണ് എന്ന് മറുപടി. എന്താണ് ചോദിക്കാൻ കാരണം എന്ന് മകൻ. അപ്പോൾ അവിടുന്ന് മറുപടി പറഞ്ഞു: വെള്ളിയാഴ്ച ജുമുഅക്ക് പോകണം. നിങ്ങൾ എങ്ങനെ പോകും? പോകാൻ പ്രയാസമല്ലെ? എന്ന് ചോദിച്ചപ്പോൾ, അതൊന്നും കാര്യമില്ല. ജുമുഅക്ക് എത്തണം എന്ന് മറുപടി. വ്യാഴാഴ്ച രണ്ടര മണിക്ക് അദ്ദേഹം ഈ ലോകം വെടിഞ്ഞു. വെള്ളിയാഴ്ച ജുമുഅക്ക് മുമ്പായി മറവ് ചെയ്തു. സ്ഥിരമായി കിടന്നിരുന്ന സ്ഥലം പരിശോധിച്ചപ്പോൾ, വസ്ത്രം തൂക്കിയിട്ടിരുന്ന അയലിൽ ഒരു കുരുവി കൂടുകെട്ടി മക്കളുമായി ഉല്ലസിക്കുന്നത് കണ്ടു. അവയെ ഉറുമ്പുകൾ ഉപദ്രവിക്കാതിരിക്കാൻ ഹാജി അയലിന്റെ രണ്ടറ്റത്തും മണ്ണെണ്ണയിൽ മുക്കിയ തുണി കെട്ടിയിരുന്നു. മനുഷ്യനെയും സർവശക്തന്റെ എല്ലാ ജീവ ജാലങ്ങളെയും സ്നേഹിച്ച, ആദരിച്ച ഈ മഹാനായ മനുഷ്യൻ 1957 ജൂൺ 15ന് (ദുൽഹജ്ജ് 5) ന് പരലോകത്തേക്ക് യാത്രയായി. രാമനാട്ടുകര ചെമ്മലിൽ പള്ളി ഖബർസ്ഥാനിൽ മറവു ചെയ്തു. പടിഞ്ഞാറെ തെക്ക് ഭാഗത്ത് പള്ളിയോട് ചേർന്നുള്ള ഒന്നാമത്തെ ഖബറാണ് അദ്ദേഹത്തിന്റേത്. മക്കൾ: അബ്ദുറഹിമാൻ മുസ്ലിയാർ, ഹസ്സൻ മുസ്ലിയാർ, മുഹമ്മദ് മുസ്ലിയാർ പീടികക്കണ്ടി വലിയപറമ്പ് പുളിക്കൽ, മൂസ്സ മുസ്ലിയാർ, ചേലേമ്പ് നമ്പീരിൽ, വീരാൻകുട്ടി മുസ്ലിയാർ രാമനാട്ടുകര, അബ്ദുല്ല മുസ്ലിയാർ ഇടിമുഴിക്കൽ, അഹമ്മദ് കോയ മുസ്ലിയാർ വൈദ്യരങ്ങാടി, ഹുസൈൻ മുസ്ലിയാർ പുതിയപറമ്പത്ത് പുളിക്കൽ, ഫാത്തിമ ആൽപറമ്പ്, ഖദീദ കല്ലമ്പാറ. ഹസ്സൻ മുസ്ലിയാർ: മരണം വരെ പള്ളിക്കൽ ബസാറിൽ ആയുർവേദ മരുന്ന് ഷാപ്പ് നടത്തിയിരുന്നു. അറിയപ്പെടുന്ന ആയുർവേദ വൈദ്യൻ കൂടിയായിരുന്നു. അദ്ദേഹത്തിന്റെ കാലശേഷം മൂത്തമകൻ മുഹമ്മദ് അത് ഏറ്റെടുത്തു. ഇപ്പോഴും അത് മക്കൾ നടത്തിവരുന്നു. എരഞ്ഞിക്കൽ ആൽപറമ്പ് താമസം. മുഹമ്മദ് മുസ്ലിയാർ: ഭാര്യ കുടുക്കിൽ കോച്ചാമ്പള്ളി ഉമ്മാത്തുമ്മ. 1930 മുതൽ 1965 വരെ ചികിത്സകനായിരുന്നു. പിതാവിന്റെ തുടുർച്ച തന്നെയായിരുന്നു അദ്ദേഹത്തിന്റെ ജീവിത രീതി. 1933ൽ മരണം. മൂസ്സ മുസിലായർ: ചേലേമ്പ്രയിൽ താമസം. 1948ൽ മരണപ്പെട്ടു . വീരാൻകുട്ടി മുസ്ലിായർ: മരണം 1987ൽ. അബ്ദുള്ള മുസ്ലിയാർ: ചേലേമ്പ് ഇടിമുഴിക്കൽ താമസം. മരണം 2003ൽ. അഹമ്മദ്കോയ മുസ്ലിയാർ: വൈദ്യ രങ്ങാടിയിൽ താമസം. 1994ൽ മരണം. ഹുസൈൻ മുസ്ലിയാർ: വലിയപറമ്പ് പുതിയപറമ്പത്ത് താമസം. മരണം 06.08.2005.

കീടക്കാട് പാലക്കോട്ട് അബ്ദുറഹിമാൻകുട്ടി മൊല്ലയുടെ ഇളയ മകനായ മോനുദ്ദീൻ മുസ്ലിയാർ പ്രാഥമിക വിദ്യാഭ്യാസം കരിപ്പൂരിൽ വച്ച് പൂർത്തിയാക്കുകയും തുടർന്നുള്ള മതപഠനത്തിനായി വിവിധ പള്ളി ദർസുകളിൽ ചേരുകയും ഉണ്ടായി. അറബിക് കോളേജുകളും മറ്റു വിദ്യാഭ്യാസ സ്ഥാപനങ്ങളും അക്കാലത്ത് കുറവായിരുന്നു. വാഴക്കാട് ദാറുൽ ഉലൂം അറബിക് കോളേജ് പ്രശസ്ത മതവിദ്യാ കേന്ദ്രമായിരുന്നു. കേരളത്തിലെ ഒട്ടേറെ പ്രമുഖ പണ്ഡിതന്മാരെയും പരിഷ്കർത്താക്കളെയും വാർത്തെടുത്ത പ്രമുഖ കോളേജിൽ മോനുദ്ദീൻ മുസ്ലിയാർ പഠനം നടത്തിയിട്ടുണ്ട്. കെ.എം. മൗലവി സാഹിബ് അദ്ദേഹത്തിന്റെ സഹപാഠിയായിരുന്നു. മലബാർ കലാപവുമായി ബന്ധപ്പെട്ട് ഒളിവിൽ കഴിഞ്ഞിരുന്ന കെ.എം. മൗലവി കരിപ്പൂരിൽ (വെള്ളാരിൽ) എത്തി മോനുദ്ദീൻ മുസ്ലിയാരുടെ വീട്ടിലും, കീടക്കാട്ട് തെക്കുവീട്ടിൽ കുഞ്ഞറമുട്ടിയുടെ വീട്ടിലും (ആഞ്ചിറക്കൽ) വെള്ളാര, ലാഞ്ചിറ ജുമുഅത്ത് പള്ളിയിലും ഒന്നരമാസത്തോളം താമസിക്കുകയുണ്ടായി. (കെ.കെ മുഹമ്മദ് അബ്ദുൽ കരീം, കെ.എം. മൗലവി ജീവചരിത്രം, തിരൂരങ്ങാടി, 1985 പുറം. 85). തിരൂരങ്ങാടിയിൽ കലാപം പൊട്ടിപ്പുറപ്പെട്ടപ്പോൾ കെ.എം. മൗലവി പരിഭാന്തനായി കൊടുവായൂരിലേക്ക് പോയി. ഏതാനും ആഴ്ചകൾ അദ്ദേഹം മാതുല ഗൃഹത്തിൽ താമസിച്ചു. പട്ടാളക്കാർ അറസ്റ്റു ചെയ്യുമെന്ന ഭീതി മൂലം അവിടെ നിന്നും രഹസ്യമായി കരിപ്പൂർ അംശത്തിലെ വെള്ളാര ദേശത്ത് എത്തിച്ചേർന്നു. ആഞ്ചിറക്കൽ (ലാമഞ്ചിറ) പള്ളിയിൽ താമസിക്കുമ്പോൾ ഭക്ഷണം എത്തിച്ചു കൊടുത്തിരുന്നവരിൽ ഒരാളായിരുന്നു കീടക്കാട്ട് ബീരാൻകുട്ടി മുസ്ലിയാർ. (കെ. എം. മൗലവി ജീവചരിത്രം പുറം. 85. 1985) രണ്ടുപേരും തമ്മിൽ ആശയവൈരുദ്ധ്യമുണ്ടായിരുന്നെങ്കിലും സൗഹൃദം മരണം വരെ തുടർന്നു. മോനുദ്ദീൻ മുസ്ലിയാർ പഠനത്തിന് ശേഷം നാട്ടിലും പരിസരപ്രദേശങ്ങളിലുമായി വിവിധ പള്ളികളിൽ ഖാദി, മുദരിസ്, ഖതീബ് തുടങ്ങിയ മേഖലകളിൽ സേവനമനുഷ്ഠിക്കുകയുണ്ടായി. കരിപ്പൂർ ആഞ്ചിറക്കൽ, പരുത്തിക്കോട്, കൊട്ടപ്പുറം, കൊളത്തൂർ, മഞ്ചക്കാട്, ചാലിൽകുളം, പുന്നത്ത് എന്നീ മഹല്ലുകളിലെല്ലാം അദ്ദേഹം ഖാദിയും ഖതീബുമായി സേവനമനുഷ്ഠിച്ചു. പെരുവള്ളൂരിലെ പ്രമുഖ തറവാടായ നെയ്യൻ കുടുംബത്തിലെ വീരാൻകുട്ടിയുടെ മകൾ ഉമ്മാച്ചുമ്മയായിരുന്നു മോനുദ്ദീൻ മുസ്ലിയാരുടെ ഭാര്യ. അതിൽ അവർക്ക് 8 ആണും 2 പെണ്ണുമുൾപ്പെടെ 10 മക്കളുണ്ടായിരുന്നു. അതിൽ ഒരു ആൺകുട്ടി മൂന്നാം വയസ്സിൽ മരിക്കുകയുണ്ടായി. മക്കൾ മുഹമ്മദ്, അബ്ദുറഹ്മാൻ, അബ്ദുൽ കരീം, അബ്ദുൽ ഖാദർ, മുഹമ്മദാലി, ഹസ്സൻ, ഹുസൈൻ, ഫാത്വിമ, നഫീസ. വിവാഹശേഷം പാലക്കോട്ട് തറവാട്ടിൽ നിന്ന് പുളിയോളത്ത് പറമ്പിൽ താമസമാക്കിയ അദ്ദേഹം പിന്നീട് കോഴിത്തൊടി അയമുട്ടി ഹാജിയുടെ ഭൂമിയിൽ നിന്ന് വിലക്ക് വാങ്ങിയ നാല് ഏക്കറോളം വരുന്ന പൂളപറമ്പത്ത് എന്ന സ്ഥലത്ത് വീടുണ്ടാക്കി താമസമാക്കുകയാണുണ്ടായത്. ആ കാലഘട്ടത്തിലെ വലിയ ഇരുനില വീടായിരുന്നു. വഴിയാത്രക്കാരുടെ ആശാകേന്ദ്രമായിരുന്നു പുളം പറമ്പ്. കൂടാതെ കോപ്പിലാക്കൽ, ഉണ്ണ്യാൽപറമ്പ്, പൊന്നാങ്കണ്ടം പാടം എന്നിവയും അദ്ദേഹത്തിന് ഭൂസ്വത്തായി ഉണ്ടായിരുന്നു. കൃഷിയിൽ താൽപര്യനായിരുന്നു. പറമ്പുകളിൽ ഇടവേള കൃഷി പതിവായി ഉണ്ടാക്കുമായിരുന്നു. പരന്നു കിടക്കുന്ന കൃഷിസ്ഥലമായ ഉണ്ണ്യാൽപറമ്പിൽ മോനുദ്ദീൻ മുസ്ലിയാർ കുഴിപ്പിച്ച നാല് മൂല കിണർ വഴിയാത്രക്കാർക്കും കർഷകർക്കും കാലികൾക്കും ഏറെ പ്രയോജനകരമായ കുടിവെള്ള സ്രോതസ്സായിരുന്നു. കാലികൾക്ക് കുടിക്കാനായി പ്രത്യേകം കല്ലുകൊണ്ട് നിർമ്മിച്ച കൊട്ടത്തളവുമുണ്ടായിരുന്നു. അന്ന് മതപഠനത്തിനും മതവിധികൾ അറിയുന്നതിനുമായി വിവിധ ദിക്കുകളിൽ നിന്ന് ധാരാളം പേർ ഒറ്റയായും കൂട്ടായും പുളംപറമ്പ് വീട്ടിലേക്ക് മോനുദ്ദീൻ മുസ്ലിയാരെ തേടി വരുമായിരുന്നു. സാധാരണക്കാർക്ക് മതവിജ്ഞാന സമ്പാദനത്തിനുള്ള ഏകമാർഗ്ഗം അന്ന് മതപ്രസംഗങ്ങളായിരുന്നു. തന്റെ യൗവ്വനകാലത്ത് ദൂരദിക്കുകളിലേക്ക് അദ്ദേഹത്തെ മതപ്രസംഗത്തിനായി കൊണ്ടുപോകുമായിരുന്നു. പള്ളി പരിപാലിക്കുന്നവർക്കും മുദരരിസ്, ഖാദി, ഖതീബ് എന്നീ സ്ഥാനം വഹിക്കുന്നവർക്കും ശമ്പളം നൽകുന്ന സമ്പ്രദായം അന്നുണ്ടായിരുന്നില്ല. വർഷത്തിൽ ഒന്നോ രണ്ടോ തവണ പ്രമുഖ കർഷകരിൽ നിന്ന് കിട്ടുന്ന നെല്ലായിരുന്നു വരുമാനമായുണ്ടായിരുന്നത്. വിവിധ മഹല്ലുകളിൽ നിന്ന് എല്ലാ വർഷവും നെല്ല് വീട്ടിലെത്തുക പതിവായിരുന്നു. അഞ്ചാറ് മഹല്ലുകളുടെ മേൽഖാദി എന്ന നിലയിൽ പല വിഷയങ്ങളും പങ്ക് വയ്ക്കാനുള്ള ഒരിടമായിരുന്നു പൂളംപറമ്പ്. ജനങ്ങൾ അങ്ങേയറ്റം ബഹുമാനിക്കുകയും ആദരവ് പ്രകടിപ്പിക്കുകയും ചെയ്യുന്ന വ്യക്തിത്വത്തിനുടമായിരുന്നു. പണ്ഡിതൻ എന്നതിലുപരി മോനുദ്ദീൻ മുസ്ലിയാർ വിഷചികിത്സയിലും പ്രസിദ്ധനായിരുന്നു. അനേകമാളുകളുടെ വിഷമിറക്കിയ സംഭവങ്ങളും പഴമക്കാർ സ്മരിക്കുകയുണ്ടായി. ഒരിക്കൽ വയനാട്ടിൽ ദിവസങ്ങളായി പാമ്പു കടിയേറ്റ് വിഷമിറങ്ങാതെ അബോധാവസ്ഥയിൽ കിടന്നിരുന്ന ഒരാളുടെ വിഷമിറക്കാൻ കുറച്ചാളുകൾ വന്ന് കൂട്ടിക്കൊണ്ടുപോയി. പറയത്തക്ക വാഹനസൗകര്യങ്ങളൊന്നുമില്ലാത്ത കാലമായിരുന്നു അത്. വളരെ പ്രയാസപ്പെട്ടു അവിടെയെത്തി വിഷമിറക്കി. ബോധം തെളിഞ്ഞ് അയാൾ എഴുന്നേറ്റിരുന്നതിന് ശേഷം തിരിച്ചുപോന്നു.” വിഷമിറങ്ങി സുഖപ്പെട്ട സംതൃപ്തിയിൽ അവർ ധാരാളം സമ്മാനങ്ങൾ നൽകി യാത്രയയച്ചു. ഈ സംഭവം നാട്ടിലും പരിസരപ്രദേശങ്ങളിലും വലിയ ചലനമുണ്ടാക്കിയതായി മോനുദ്ദീൻ മുസ്ലിയാരുടെ മൂത്ത മകൾ ഫാത്തിമ സ്മരിക്കുകയുണ്ടായി. കൃത്യനിർവ്വഹണത്തിൽ അതീവ ശ്രദ്ധ പുലർത്തിയിരുന്ന മോനുദ്ദീൻ മുസ്ലിയാരെയുമായി ദൂരെ ദിക്കിലേക്ക് മഞ്ചലിൽ വിഷമിറക്കാനായി കൊണ്ടുപോകുന്ന വഴിമധ്യേ രണ്ടാമത്തെ മകൻ അബ്ദുറഹ്മാന് പാമ്പുകടിയേറ്റിട്ടുണ്ടെന്ന് ദൂതൻ വഴി അറിഞ്ഞു. മകന് പാമ്പുകടിയേറ്റതിൽ ദുഃഖമൊന്നും പ്രകടിപ്പിക്കാതെ പാമ്പുകടിയേറ്റ മറ്റൊരു സഹോദരന്റെ വിഷമിറക്കാനായി പോകുന്ന യാത്രയിലാണല്ലോ എന്നായിരുന്നു മറുപടി. യാത്ര മുടക്കാതെ തന്റെ ലക്ഷ്യസ്ഥാനത്ത് എത്തി കൃത്യം പൂർത്തിയാക്കി തിരിച്ചുവന്ന് തന്റെ മകൻ അബ്ദുറഹ്മാന്റെ വിഷമിറക്കുകയാണ് ചെയ്തത്. (അഭിമുഖം ചേക്കു കരിപ്പൂർ അത്തിക്കാവിൽ മുഹമ്മദ് എന്ന ചെറിയാപ്പു ഹാജിയുമായി 95 വയ സ്സ്, കരിപ്പൂർ). സൽക്കാരപ്രിയനായിരുന്ന മോനുദ്ദീൻ മുസ്ലിയാരുടെ പൂളംപറമ്പത്ത് വീട്ടിൽ അതിഥികൾ പതിവായിരുന്നു. രായി, ചാമ എന്നീ ധാന്യം കൂടുതൽ ഉപയോഗിക്കുമായിരുന്നു. ചാമക്കഞ്ഞി, ചാമച്ചോറ്, രായി പ്പത്തിരി, രായിപ്പുട്ട് എന്നിവ ഈ ധാന്യം ഉപയോഗിച്ച് ഉണ്ടാക്കും. മോനുദ്ദീൻ മുസ്ലിയാർ അരിഭക്ഷണം വളരെ കുറച്ച് മാത്രമേ കഴിച്ചിരുന്നുള്ളൂ. ഉമ്മാച്ചുമ്മയും അതിഥികൾക്ക് ഭക്ഷണം നൽകുന്നതിൽ അതീവ തൽപരയായിരുന്നു. മോനുദ്ദീൻ മുസ്ലിയാർക്ക് കൂട്ടിനായി എപ്പോഴും മൂന്നുനാല് പേർ കൂടെ ഉണ്ടാകുമായിരുന്നു. കരുവാത്ത് മമ്മദ്, പാണ്ടാണ്ടിയിൽ കോ പ്പിലാൻ ആലിക്കുട്ടി, ഈത്തമൊയ്തീൻ, ആനക്കുഴിയിൽ കുഞ്ഞിമൊയ്തീൻ, എം.സി. ബീരാൻകുട്ടി, ഉണ്ണീൻ എന്നിവർ. അക്കാലത്ത് വലിയൊരു വീപ്പയിൽ എപ്പോഴും വെള്ളം നിറച്ചുവയ്ക്കും. കൂട്ടിനായുള്ളവർ അത് കൃത്യമായി നിർവ്വഹിക്കും. വീട്ടിൽ വരുന്നവർക്ക് വുദു എടുക്കാനും മറ്റു ആവശ്യങ്ങൾക്കുമായിരുന്നു ആ വെള്ളം ഉപയോഗിച്ചിരുന്നത്. അദ്ദേഹത്തോടുള്ള ആദരവിന്റെ ഭാഗമായി ആളുകൾ മോന്തീൻ മോല്ല്യാരുപ്പാപ്പ എന്നാണ് പറഞ്ഞിരുന്നത്. മോനുദ്ദീൻ മുസ്ലിയാർ തന്റെ ഏഴ് ആൺമക്കളെയും മതപഠനത്തിനായി അയക്കുകയുണ്ടായി. അതിനാൽ അവർ എല്ലാവരും ജീവിതകാലത്ത് ദീനീസേവനത്തിൽ തന്നെയാണ് ജീവിതം കഴിച്ചുകൂട്ടിയത്. മോനുദ്ദീൻ മുസ്ലിയാർക്ക് ധാരാളം ശിഷ്യഗണങ്ങളുണ്ടായിരുന്നു. മോനുദ്ദീൻ മുസ്ലിയാരുടെ രണ്ട് പെൺ മക്കളെ വിവാഹം ചെയ്തയച്ചതും പണ്ഡിത കുടുംബത്തിലേക്കാണ്. മൂത്ത മകൾ ഫാത്വിമയെ വിവാഹം ചെയ്തത് കൂർമത്ത് കുടുംബാംഗവും പ്രസിദ്ധ മതപണ്ഡിതനുമായ പോക്കർ ഹാജിയുടെ മകൻ ശംസുദ്ദീൻ മുസ്ലിയാരും (തോട്ടർശ്ശേരിയാറ) രണ്ടാമത്തെ മകൾ നഫീസയെ വിവാഹം ചെയ്തത് പ്രസിദ്ധ സൂഫീവര്യനായ കുറ്റൂർ മമ്മു മുസ്ലിയാരുടെ മകൻ മുഹമ്മദ് മുസ്ലിയാരുമായിരുന്നു. അദ്ദേഹം ദീർഘകാലം മക്ക ഉമ്മുൽ ഖുറാ യൂണിവേഴ്സിറ്റിയിൽ പഠനം നടത്തുകയും അവിടെ തന്നെ ജോലി ചെയ്യുകയും ചെയ്തിട്ടുണ്ട്. ഇന്ത്യയിൽ റാബിത്വയുടെ പ്രതിനിധിയായും അദ്ദേഹം സേവനമനുഷ്ഠിച്ചിട്ടുണ്ട്. എല്ലാവരും ആദരിക്കപ്പെടുന്ന മോനുദ്ദീൻ മുസ്ലിയാർ എന്ന മൂല്ല്യാർ ഉപ്പാപ്പ തന്റെ ജീവിതകാലം മുഴുവനും ദീനീ സേവനത്തിനായി നീക്കിവയ്ക്കുകയും ധാരാളം ശിഷ്യഗണങ്ങളെ സമ്പാദിക്കുകയും ചെയ്തു. 1962 മുഹറം പത്തിന് മോനുദ്ദീൻ മുസ്ലിയാർ ഈ ലോകത്തോട് വിടപറഞ്ഞു. ആഞ്ചിറക്കൽ ജുമാമസ്ജിദിന്റെ കിഴക്ക് - വടക്ക് ഭാഗത്തായി പള്ളിയോട് ചേർന്ന് കിടക്കുന്ന സ്ഥലത്താണ് അദ്ദേഹത്തിന്റെ ഖബർ സ്ഥിതി ചെയ്യുന്നത്. ഭാര്യയേയും തൊട്ടടുത്തായി മറവ് ചെയ്തു. അദ്ദേഹത്തിന്റെ മരണ ശേഷവും വിവിധ മഹല്ലുകളിൽ മക്കൾ കൃത്യം നിർവ്വഹിച്ചുപോന്നു. മക്കൾ: മുഹമ്മദ് മുസ്ലിയാർ, അബ്ദുറഹിമാൻ മുസ്ലിയാർ, അബ്ദുൽ കരീം മുസ്ലിയാർ, അബ്ദുൽ ഖാദർ മുസ്ലിയാർ, മുഹമ്മദലി മുസ്ലിയാർ, ഫാത്തിമ, ഹസ്സൻ മുസ്ലിയാർ, നഫീസ, ഹുസൈൻ.

രാഷ്ട്രീയ സാംസ്കാരിക രംഗങ്ങളിൽ വ്യക്തിമുദ്ര പതിപ്പിച്ചിരുന്ന കീടക്കാട്ട് വീരാന്‍കുട്ടി മുസ്‌ലിയാര്‍ അധ്യാപകനും, നല്ലൊരു ആര്യവൈദ്യനുമായിരുന്നു.1902ലാണ് അദ്ദേഹം ജനിച്ചത്. കീടക്കാട് മൊയ്തീന്‍കുട്ടി സാഹിബിന്‍റെയും അത്തിക്കാവില്‍ ഫാത്തിമയുടെയും സീമന്തപുത്രനായിരുന്നു സ്മര്യപുരുഷന്‍. നാലാം ക്ലാസ് വരെയുള്ള പ്രാഥമിക വിദ്യാഭ്യാസം മാത്രമേ ലഭിച്ചിരുന്നുള്ളൂവെങ്കിലും മതപഠനത്തില്‍ അദ്ദേഹം മുന്‍പന്തിയിലെത്തിയിരുന്നു. പ്രമുഖ പണ്ഡിതനായിരുന്ന കുഞ്ഞമ്മുട്ടി മുസ്‌ലിയാരുടെ ദര്‍സിലും, ഐക്കരപ്പടി ജുമാഅത്ത് പള്ളിയിലും, കെ.എം. അഹമ്മദ്കുട്ടിഹാജിയുടെ മുണ്ടപ്പലം ജുമുഅത്ത് പള്ളിദര്‍സിലും, പി.കെ. മുഹ്യുദ്ദീന്‍ മൗലവി, പി.കെ.മൂസ മൗലവി എന്നിവരുടെ കീഴില്‍ ഫറോക്ക് ജുമുഅത്ത് പള്ളി ദര്‍സിലും അദ്ദേഹം പഠനം നടത്തിയിട്ടുണ്ട്. 1921ല്‍ ഖിലാഫത്ത് പ്രവര്‍ത്തനങ്ങളില്‍ ചുറുചുറുക്കോടെ പങ്കാളിയായി. മുഹമ്മദ് അബ്ദുറഹിമാന്‍ സാഹിബ്, ഇ. മൊയ്തു മൗലവി തുടങ്ങിയ കോണ്‍ഗ്രസ് ഖിലാഫത്ത് നേതാക്കളുമായി അടുത്തബന്ധം അദ്ദേഹത്തിനുണ്ടായിരുന്നു. കലാപകാലത്ത് അറസ്റ്റില്‍ നിന്ന് രക്ഷപ്പെട്ടത് കൊണ്ടോട്ടി തങ്ങളുടെ ശക്തമായ ശുപാര്‍ശ കൊണ്ടായിരുന്നു. അല്‍ -അമീന്‍ പത്രത്തിന്‍റെ പ്രചാരണത്തിനായി അദ്ദേഹം കഠിനാധ്വാനം ചെയ്തിട്ടുണ്ട്. 1922-ല്‍ മലപ്പുറം ട്രെയിനിങ് സ്കൂളില്‍ നിന്ന് അധ്യാപക പരിശീലനം നേടിയ അദ്ദേഹം 1920-ല്‍ പിതാവ് കൊളത്തൂരില്‍ സ്ഥാപിച്ച എ.എം.എല്‍.പി സ്കൂളില്‍ ജോലിയില്‍ പ്രവേശിച്ചു. 1937-ല്‍ മുഹമ്മദ് അബ്ദുറഹിമാന്‍ സാഹിബ് മലബാര്‍ ഡിസ്ട്രിക്ട് ബോര്‍ഡ് പ്രസിഡണ്ടായിരുന്ന കാലത്ത് കരിപ്പൂര്‍ ജി.എം.എല്‍.പി സ്കൂളില്‍ അധ്യാപകനായി ജോലി നോക്കി. അദ്ദേഹം നല്ല വായനാശീലമുള്ള സഹൃദയനായിരുന്നു. കൊളത്തൂര്‍ ഇസ്സത്തുല്‍ ഇസ്‌ലാം സംഘത്തിന്‍റെ സ്ഥാപക സെക്രട്ടറിയായിരുന്നു. കുളത്തൂര്‍ ജുമുഅത്ത് പള്ളി, മദ്രസ തുടങ്ങിയവയുടെ നിര്‍മാണത്തില്‍ അദ്ദേഹത്തിനുള്ള പങ്ക് വിലപ്പെട്ടതാണ്. ഒരു ആര്യവൈദ്യനെന്ന നിലയിലും പൊതുകാര്യ പ്രസക്തനെന്ന നിലയിലും അദ്ദേഹത്തെ എല്ലാവരും ബഹുമാനിച്ചിരുന്നു. കരിപ്പൂരിലെ പൗരമുഖനായിരുന്ന കീടക്കാട്ട് കുഞ്ഞറമുട്ടി സാഹിബിന്‍റെ മകള്‍ ഫാത്തിമക്കുട്ടിയെയാണ് അദ്ദേഹം വിവാഹം കഴിച്ചിരുന്നത്. പ്രസിദ്ധ ഗ്രന്ഥകാരനായ കെ.കെ. മുഹമ്മദ് അബ്ദുല്‍കരീം ഈ വിവാഹത്തില്‍ ജനിച്ച മകനാണ്. ആദ്യ ഭാര്യയുടെ മരണാനന്തരം പിതൃസഹോദരപുത്രി ആയമ്മക്കുട്ടിയെ വിവാഹം ചെയ്തു. (അവരില്‍ മുഹമ്മദ്അബ്ദുൽ ഖാദര്‍, പ്രൊഫ. മുഹമ്മദ് അബ്ദുസലാം, ഫാത്തിമക്കുട്ടി, ആസിയ, മുഹമ്മദ് അബ്ദു സമദ്, മുഹമ്മദ് അബ്ദുല്‍ മജീദ്, സുബൈദ എന്നീ സന്താനങ്ങളുണ്ടായി.) 1976 മെയ് 22ന് ഹൃദ്രോഗ ബാധിതനായി മരണമടഞ്ഞു.